'लभर’ प्रचण्ड

पुष्पकमल दाहाल 'प्रचण्ड' कवि गोष्ठीमा गए आफूलाई 'बन्न नसकेको कवि' बताउँछन्। कृषि कार्यक्रममा गए 'कृषकको सन्तान र कृषक नै' बन्छन्। इन्जिनियरहरूमाझ त पुग्नै हुँदैन, 'यो देशको संरचना यस्तो हुनुपर्छ' भनिहाल्छन्।

उनी जस्ता पेसाकर्मीमाझ जान्छन्, उस्तै उस्तै बन्छन्।

हुँदाहुँदा उनै प्रचण्ड अहिले जुन भूगोलमा गयो, त्यहाँको 'लभर' हुन थालेका छन्। पोहोर साल पोखरा जाँदा पोखराका मायालु बने। केही महिना पहिला चितवन जाँदा चितवनका प्रेमी बने। वैशाखको तेस्रो साता धनुषा गएका थिए, मधेसका लभर बनेछन्। यो महिनाको सुरुमा बेइजिङ् र पछि दिल्ली पुगेका उनको ती ठाउँबारेको प्रतिक्रियाचाहिँ आएको छैन। साँच्ची, उनी कसका लभर होलान्, बेइजिङ्का कि दिल्लीका ?

- नारायण अमृत , नेपाल