४६ वर्षीया महिलालाई २० वर्षको देखाउने यो कस्तो व्यायाम

(एजेन्सी)–तल दिइएको तस्बिरको महिलाको उमेर ४६ वर्ष हो र यी दुई बच्चाको आमा हुन् भन्दा धेरैले पत्याउनु हुन्न होला । जंग दा युयोनलाई दक्षिण

कोरियाको स्थानीय शहरमा ‘मोमीजांग अजुम्मा’ जसको अर्थ हो, ‘आकर्षक जीउडाल भएकी आमा’ र उनलाई किन यसो भनिएको हो भन्ने कुरा तपाईं हेरेर नै थाहा पाउन सक्नुहुनेछ ।

तर जंग दा युयोन पहिले देखि नै यस्ती भने होइनन् । सन् २००३ मा दुइजना बच्चाको आमा भइसकेपछि उनी ७० किलोकी भइन् र साधारण गृहिणी जस्ती देखिन्थिन् । मिडिया रिपोर्टका अनुसार, एक दिन उनी बिहान उठिन् र आफ्नो मन नपरेको शरिर र तौलका लागि केहि गर्ने बिचार गरिन् र डाइटिङ र व्यायामले तौल घटाउने सोच बनाइन् । यद्यपी, जंगले वाल स्ट्रिट जर्नललाई दिएको बयान अनुसार ढाड दुख्ने समस्याबाट छुटकारा पाउनका लागि उनलाई तौल घटाउने प्रेरणा मिलेको बताउँछिन् । उनले तीन महिनामा २० किलो तौल घटाउन सफल भइन् र आफ्नो नयाँ फोटोहरु हेरिसकेपछि उनी अझ बढि प्रेरित भइन् । संसारको सबै गृहिणीले उनको जस्तै जिउडाल पाउनका लागि उनको तरिका अपनाए । उनको सुगठित शरिरका कारणले नै उनी टेलिभिजनमा तौल घटाउने तरिकाका साथमा आउन थालिन् । उनी कोरियाभन्दा अरु देशहरु जस्तै जापानमा पनि प्रख्यात बन्दै गइन् जहाँ उनले व्यायामको थिम भएको भिडियो गेम लन्च गरिन् ।

उनी आफ्नो यो अहिलेको स्वरुपमा निकै खुसी भएको बताउँछिन् । व्यायामका कारण पाएको यो अनुपम सौन्दर्यले उनलाई ४६ वर्षको उमेरमा पनि २० वर्षको जस्ता देखाउन सफल भएको छ भने यसले गर्दा उनले नाम र दाम दुबै कमाएकी छिन् ।

 

साभार : रातो पाती