मानिसहरूको मोबाइलमा खर्च कति हुन्छ? धेरैमा भए चार या पाँच हजार। तर कसैको मोइबालको बील करोड आएमा के हुन्छ? यस्तै भएको छ भारतमा एक मोबाइल प्रयोगकर्तासँग। कान्दिवली स्थायी ठेगाना भएका विश्वनाथ सेट्टीको मोबाइलमा यस्तै घटना घटेको छ। उनले गएको १० बर्षदेखि एमटीएमएलको डल्पि्कन नेटवर्क प्रयोग गरिरहेका छन्। उनीसँग पोष्टपेड सिमकार्ड छ। उनको मोबाइलमा हरेक महिना भारु १३ सयको मात्र बील उठ्ने गर्दछ। गएको बिहीबार(माघ २५) गते उनी स्थानीय रेलबाट घर गइरहेको समयमा उनको मोबाइलमा अचानक १३ करोड १८ लाखको बीलको म्यासेज मोबाइलमा आयो। यो एसएमएस देखेर उनी एकदमै आँत्तिए। हतारहतार रेलबाट झरेर उनी सिधा कान्दिवलीस्थित मोबाइल सेवाग्राही केन्द्रमा पुगे। त्यहाँ पनि उनले कुनै सहयोग पाएनन्। अझ उल्टो केन्द्रीय कार्यालयमा सम्पर्क गर्न भनियो। उनी त्यहाँ जाने तयारी गरिरहेका थिए त्यसैको २ घण्टा पश्चात कम्पनीबाट गल्ती भएको र म्यासेज डिलिट गर्न भन्दै अर्काे म्यासेज आयो। त्यससँगै उनको मोबाइलको जम्मा बीलको रकम भने भारु १३१८ रहेको थियो। यसस घटनाले केही समयका लागि विश्वनाथको सात्तो उडेको थियो।
