भुवन के.सी.को फेरी अर्को चर्तिकला

नायक भुवन के.सी. युवतीको कारणले बेलाबेलामा विवादमा आइरहन्छन्। दोस्री श्रीमती सुस्मिता वम्जनसँगको सम्बन्ध बिच्छेदसँगै एक्लो भएका भुवनले अहिले एक नायिकको साथ पाएका छन्। चलचित्र 'एटीएम' बाट चर्चामा आएकी नायिका जिया के.सी. र भुवनको हिमचिम निक्कै बढेको चर्चा छ। भुवन र जियाको सम्बन्ध चलचित्र 'एटीएम' को एक गीतको छायांकनदेखि बढेको हो। यस सम्बन्धमा नायिका जिया भन्छिन्, 'भुवन के.सी.लाई म धेरै नै माया गर्छु तर आजसम्म उहाँलाई प्रेम प्रस्ताव भने राखेकी छैन।' भुवनको घरमा जिया धेरैपटक गएकी छिन्। के.सी.ले भनिन्, 'म उहाँको परिवारसँग निकै नजिक छु।
उहाँको घरमा खाना खान धेरैपटक पुगेकी छु।' भुवन के.सी.को एक्लो जीन्दगी देखेर आफूलाई माया लागेको उनको भनाइ छ। यति ठूलो कलाकार भएर पनि भुवनजी एक्लै हुनुहुन्छ, यसैले उहाँको मलाई धेरै माया लाग्छ। भुवन 'प्लेब्वाई भएकै कारणले आफूलाई मन परेको जिया बताउन चुक्दिनन्। 'तपाई भुवन केसीसँग बिहे गर्न इच्छुक हुनुहुन्छ?' भन्ने प्रश्नमा जियाले घुमाउरो पाराले भनिन्, 'अहिले नै यो बारेमा सोचेको छैन, तर हाम्रो सम्बन्धमा जे पनि हुनसक्छ।' जियाको यो कुराले भुवनसँग उनको सम्बन्ध सकारात्मक रहेको बुझ्न सकिन्छ। जीया र भुवनको निकटता निक्कै बढेको र उनीहरु धेरैपटक विभिन्न क्याफेमा भेट्ने गरेको चर्चा चलचित्र बजारमा चलेको महिनौ भैसकेको छ। भुवनले जीयालाई तेस्री श्रीमतीको रुपमा भित्राए भने अनौठो नमान्दा हुन्छ भन्नेहरुको समूह पनि ठूलै छ।