मुम्बई - ऋत्विक रोशन सुपर हिरो रहेको फिल्म क्रिस ३ चार दिनमा १०० करोड क्लबमा प्रवेश गरेको छ। यो भन्दा पनि महत्त्वपूर्ण त फिल्मले एकदिनमा गर्ने कमाइको सबै रेकर्ड तोडेको छ। सोमबार फिल्मले ३५.९१ करोड आम्दानी गर्यो। भारतीय बजारमा कुनै पनि फिल्मले एकैदिनमा गरेको कमाइमा यो सबैभन्दा बढी हो।
बलिउडका ट्रेड एनलिस्ट तरन आदर्शले ट्वीट गर्दै क्रिस ३ ले इतिहास कायम गरेको जनाएका छन्। उनका अनुसार शुक्रबारदेखि सोमबारसम्म फिल्मले १ सय ८ करोड ६१ लाख भारु कलेक्सन गरेको छ। फिल्मले कमाइमा अन्य रेकर्डहरु पनि तोड्ने अपेक्षा गरिएको छ किनकी यसको अग्रिम बुकिङ गर्ने ट्रेन्ड यथावत छ। तिहार लक्ष गरेर रिलिज गरिएको फिल्मले नेपालमा पनि राम्रै कमाइ गरिरहेको छ।
साभार : नागरिक
0 Comment:
Speak up your mind
Tell us what you're thinking... !