गुत्थी अक्षय कुमारसँग ‘गब्बर’मा देखिने

चर्चित कमेडी शो ‘कमेडी नाइट्स विथ कपिल‘बाट एकाएक हराएपछि चर्चित कलाकार सुनिल ग्रोवरको बिषयमा विभिन्न खालका अड्कल काटिए । यो शोमा गुत्थी क्यारेक्टरका कारण चर्चामा रहेका सुनिलले दर्शकलाई खुबै हसाँएका थिए ।

तर निर्माता समेत रहेका संचालक कपिल शर्मासँग विभिन्न खालका
असमझदारी भएकै कारण उनले यो शो छोडेको बताइएको थियो । तर सुनिलले भने आफ्नो संझौता सकिएकाले शो छोडेको बताएका थिए ।

गुत्थीले कपिललाई नै टक्कर दिदै सोही समयमा नयाँ शो ल्याउने चर्चा पनि नचलेको होइन । तर सानो पर्दाबाट ठूलो पर्दामा फड्को मार्न उनले यो कदम चालेको वुझिएको छ । एक चर्चित अंग्रेजी पत्रिकाले सुनिल बलिउडका चर्चित नायक अक्षय कुमारसँग एक चलचित्रमा देखिन लागेको जनाएको छ ।

अक्षय कुमार र श्रृती हसनले अभिनय गर्न लागेको चलचित्र ‘गब्बर’मा गुत्थीले अभिनय गर्न लागेको जनाइएको छ । संजय लिला भन्सालीको यो सिनेमाको छायांकन सुरु हुन लागेको छ । यस बिषयमा अहिले नै सुनिलले केही बोल्न भने अस्विकार गरेका छन् । तर पनि सानो पर्दामा चाडै नै लोकपि्रय बनेका सुनिल ठूलो पर्दामा पनि जम्ने तयारीमा देखिएका छन् ।
साभार : अनलाईन खबर