चलचित्र सेन्सर बोर्डमा चलचित्रकर्मीको प्रतिनिधित्व हुनुपर्ने माग उठिरहेको समयमा बोर्डका कर्मचारीहरु भने भत्ता पचाउन लालयित भएको देखिएको छ । चलचित्र बिकास बोर्डमा चलचित्रकर्मी रिले अनशनमा बसेको समयमा सेन्सर बोर्डका कर्मचारीले भत्ता पचाउने नयाँ उपाय अपनाएका छन् । शनिबारको दिन सरकारी कार्यलय बिदा हुने भएपनि भत्ता पचाउनका लागि सेन्सर बोर्डका कर्मचारी एक अंग्रेजी सिनेमाको सेन्सरका लागि काठमाण्डौको कुमारी हल पुगेका थिए ।सधैजसो चलचित्र संघको कार्यलयमा हुने सेन्सर शनिबार बिहान भने कुमारी हलमा हुन लागेको थियो । शनिबारको दिन कार्यलय बाहिर सरकारी लेटरप्याड र स्ट्याम्प प्रयोग गर्न नपाइने भएपनि बोर्डका कर्मचारीले यस्तो नियमको ठाडो उल्लंघन गर्दै ज्याक्की च्यानले अभिनय गरेको ‘चाइनिज जोडयाक’
सेन्सर बोर्डका कर्मचारीको लापरवाही यति मात्र छैन । सेन्सर बोर्डकी कर्मचारी उषा लोहनीले आफ्नो १० बर्षे छोरालाई समेत बोकेर सिनेमा हेर्न कुमारी हल पुगेकी थिइन् । ‘सिनेमा जस्तोसुकै बिषयमा पनि बनेको हुनसक्छ, १० बर्षे बालकलाई लिएर हलमा सिनेमा सेन्सर गर्न पुग्नु कतिसम्मको लापरबाही हो’ चलचित्र निर्माता संघका सचिव सुरेश दर्पण पोखरेलले भने ।
चलचित्र सेन्सर बोर्डका कर्मचारीले शनिबारको दिन पनि सरकारी सामानाको दुरुपयोग गर्दै विदेशी सिनेमाको सेन्सर गर्नु चरम लापरबाही हो भन्ने चलचित्रकर्मीको ठहर छ । संघर्षरत चलचित्रकर्मीहरुले सेन्सर बोर्डका अध्यक्ष नारायणप्रसाद सञ्जेललाई आन्दोलन चर्किरहेको समयमा सेन्सर नगर्न लिखित पत्र बुझाएपछि हलिउड सिनेमा ‘चाइजिन जोडायक’ को सेन्सर रोकिएको छ ।
चलचित्र सेन्सर बोर्डका कर्मचारीले सिनेमाको मर्म नै नवुझिकन सेन्सर गर्दा थुप्रै नेपाली सिनेमाका निर्माताहरु पछिल्लो समयमा पिडित बनिरहेका छन् । चलचित्र सेन्सर बोर्डमा राजनीतिक नियुक्ती हुदा सिनेमाको मर्म नवुझेका मानिसहरुको बाहुल्यता बढ्दै गएको छ । यसले नेपाली सिनेमाका निर्माताहरुलाई झनै पिडित बनाएको छ ।
0 Comment:
Speak up your mind
Tell us what you're thinking... !