पढाइ–लेखाइ, खेलकूद लगायतका काममा प्रशिक्षकले प्रशिक्षण दिएको त हामीले देखिजानेकै कुरा भयो तर अब संभोग अर्थात् सेक्सका लागि पनि प्रशिक्षण कक्षा अर्थात् 'कोचिङ क्लास' हुन थालेको छ। यो कुनै उट्पट्याङ काम गर्ने कम्पनीले थालेको हैन, बेलायत सरकारले नै 'सेक्स कोचिङ' लाई औपचारिक मान्यता दिएको छ। यदि तपाई संभोगको प्रशिक्षक बन्न चाहनुहुन्छ भने बेलायत सरकारले तपाईलाई प्रमाणपत्र दिन्छ। बेलायतले 'सेक्स थेरापिस्ट' लाई यस्तो प्रमाणपत्र दिन थालेको हो। जसले 'सेक्सुअल हेल्थ' राम्रो राख्न र समस्याहरुबाट छुटाकारा दिलाउन सहयोग गर्छन्। बेलायती पत्रिका दि इण्डिपेन्डेन्टका अनुसार ५१ वर्षीय जेन सरकारी सेक्स कोचमा नियुक्त भएका छन्। उनी जस्तै माइक लोउसाडा पनि सेक्स कोचका रुपमा काम गर्छन्। सेक्स थेरापिस्टहरुले यौन सम्बन्ध राख्ने तरिका, आनन्द लिने कला र आसनहरु सिकाउने छन तर विद्यार्थीसँग यस्तो सम्बन्ध भने राख्न पाउने छैनन्।
