फिल्म क्षेत्रमा दुई हिरो छन्, राजेश हमाल र सुशील क्षेत्री। यी दुई हिरोमा केही समानता छ, दुवैले आफूलाई कहिल्यै परविर्तन गरेनन्। न अभिनयमा, न व्यक्तित्वमा। दुवैले पर्दामा 'हे' गरेर गुन्डा थर्काए। फरक पनि छ, राजेश सुपरस्टार भए भने सुशील स्टार पनि हुन सकेनन्। सुशील राजेशलाई आफ्नो दाइसरह मान्छन्। उनी आफू राजेशको प्रशंसक भएको बताउँछन्। त्यसैले होला, एउटा फिल्मको सुटिङ्मा साथै रहेका राजेशलाई कुर्सीमा राखेर फ्यानले जसरी सुशीलले फोटो खिचाउँदै गरेको पनि देखियो।
