हास्य कलाकारका रूपमा जमेका विल्सनविक्रम राई अर्थात् तक्मे बूढाको क्रेज लोभलाग्दो छ। उनी नेपालभन्दा विदेशमा अझ लोकपि्रय छन्। पछिल्लो एक वर्षमा १६ वटा राष्ट्रमा आफ्नो स्ट्यान्डअप कमेडी पस्किएका 'मेरी बास्सै'का यीचर्चित कलाकारलाई आधार बनाएर एक युवाले मोबाइल एप्लिकेसन निर्माण गरेका छन्। गुगल प्लेमा गएर तक्मे बूढो एन्ड्रोइड एप्स खोजे त्यो एप्लिकेसन भेट्टाउन सकिन्छ। 'लाखे है' संवादबाट सुरु हुने यो एप्सका डेभलपर विजय चौलागाईं हुन्। आफ्नो लोकपि्रय ट्यागमा एप्स बनेको थाहा पाएर राईले विजयलाई पनि धन्यवाद बक्सिसकेका छन्। विजयले यो एप्समा तक्मे बूढोका धेरै संवाद समेट्ने प्रयास गरेका छन्।
