१८ फागुन काठमाडौं । पुरानो बानेश्वरस्थित गोल्डेनगेट कलेजका प्रमुख रमेश सिलवालले कलेजभित्रै बाउन्सर बोलाएर विद्यार्थीलाई पिट्नुका साथै खुट्टा ढोग्न लगाएको एमाओवादी निकट अखिल क्रान्तिकारीका अध्यक्ष हिमाल शर्माले आरोप लगाएका छन् ।
‘उक्त कलेजका विद्यार्थीहरुले आस्थाको आधारमा संगठित हुन पाउने संविधान प्रदत्त
कुटपिटको विरोधमा फागुन ११ गते प्रर्दशन सहित ४८ घण्टे अल्टिमेटम सहतिको ज्ञापन पत्र बुझाउनुका साथै सिलवाल र कोर्डिनेटर गोविन्द कडेंलसँग ५० औं पटक फोन गरी संवादको माध्यमबाट समस्या हल गर्न आग्रह गर्दा पनि उनीहरुले नटेरको शर्माको आरोप छ । ‘यी सबै प्रयत्नलाई कमजोरी ठानेर कलेज प्रशासनद्वारा हाम्रा साथीहरुलाई कलेजबाट निष्कासन गर्ने र गुण्डाहरु प्रयोग गरेर मारिदिनेसम्मको धम्की दिइयो ।’ शर्माले भनेका छन्- ‘यसको कल डिटेलसहित गौशाला प्रहरीमा विद्यार्थीको तर्फबाट निवेदन पेश भएको छ ।’
कलेज प्रशासनले क्रान्तिकारीका सात जना विद्यार्थीका विरुद्ध प्रहरीमा मुद्दा दायर गरेको शर्माले जनाएका छन् । उनले आफ्ना साथीहरुमाथिको किटानी जाहेरी फिर्ता र इकाइका विद्यार्थीसँग माफी नमागेसम्म तथा आस्थाका आधारमा संगठित हुने नागरिक हकको ग्यारेन्टी नगरेसम्म आन्दोलन जारी राख्ने बताएका छन् ।
अध्यक्ष शर्माद्वारा शुक्रबार जारी विज्ञप्तिमा गोल्डेन गेट कलेजका रमेश सिलवालमाथि यस्तो आरोप लगाइएको छ:
· ९ महिनासम्म त्रिचन्द्र कलेजमा हँजिर नहुने तर त्रिविविको तलव खाने, निजी कलेजको कार्यकारी संञ्चालक हुने रमेश सिलवाल प्रवृति नै शैक्षिक माफियाकरणको एक ज्वलन्त नमुना हो ।
· विश्वविद्यालयको स्वीकृत कोटा र मापदण्ड विपरीत मोटो रकम असुली विद्यार्थी भर्ना लिने ।
· विद्यार्थी, शिक्षक र कर्मचारीमाथि चरम शोषण गर्ने, स्मरणरहोस् केही समय पहिले कर्मचारी युनियन गठन गरेको कारण कर्मचारीलाई कलेजबाट निष्कासन गरिएको छ । एक जना महिला कर्मचारी प्रमुख कार्यकारी अधिकृत रमेश सिलवालको शोषणको कारण अमेरिका पलायन हुन बाध्य भइन् ।
· विद्यार्थीले २१ औं शताब्दीको अधिकार खोज्दा दासयुगीन जंगली व्यवहारको प्रर्दशन गरियो ।
· एसएलसीको बोर्ड फस्ट विद्यार्थी किन्ने तथा उच्च माध्यमित शिक्षा परिषदको रिजल्ट किन्ने जस्ता शैक्षिक विकृतिको सुरुवात गर्ने पहिलो शैक्षिक माफिया हुन्, यिनै सिलवाल ।
क्रान्तिकारीले लगाएको आरोपबारे बुझ्न कलेज प्रमुख सिलवालसँग सम्पर्क गर्दा उनले अनलाइनखबरको टेलिफोन रिसिभ गरेननन् । क्रान्तिकारीसम्वद्ध विद्यार्थीहरुले बिहीबार आफ्नो एक स्कुल बलमा आगो लगाएको गोल्डेनगेटले बताएको छ ।
- अनलाईन खबर
