म्यासाचुसेट्स (एजेन्सी), वैशाख ७ - बोस्टन म्याराथन बम विस्फोटमा संलग्न एक शंकास्पद आरोपी शुक्रबार अमेरिकी प्रहरीको कारबाहीमा मारिएका छन् । प्रहरीले सहरवासी र वरिपरिकालाई घरबाट ननिस्कन आग्रह गरेको छ । फरार अर्का अभियुक्तको खोजी पनि जारी राखेको छ । कारबाहीमा १९ वर्षे चेचेन युवा डोकार तासारनेभ मारिएका छन् । उनका २६ वर्षे दाजु तामेरलेन फरार छन् । दौडको अन्तिम रेखामा भएको विस्फोटमा सोमबार तीन जनाको मृत्यु र १ सय ७० घाइते भएका थिए । दस वर्षअघि अमेरिका प्रवेश गरेका यी दाजुभाइलाई चेचेन विद्रोही भनिएको छ । ती शंकास्पदलाई पछ्याउने क्रममा भएको बम र गोली प्रहारमा एक प्रहरीको मृत्यु हुनुका साथै एक घाइते भएका थिए । प्रहरीले स्केच जारी गरेपछि उनीहरू अत्तालिएका थिए । अहिले बोस्टनको सडकभरि हतियारधारी सुरक्षाकर्मीको गस्ती छ ।
प्रकाशित मिति: २०७० वैशाख ७ ०९:२० , ईकान्तिपुर
0 Comment:
Speak up your mind
Tell us what you're thinking... !