गणतन्त्रका 'राजकुमार’ : 'प्रचण्ड'-पुत्र प्रकाश दाहाल

पुष्पकमल दाहाल 'प्रचण्ड'-पुत्र प्रकाश दाहाल केही न केही उटपट्याङ गररिहन्छन्। आफ्नो छापामार शैलीमा थरीथरीका तस्बिर उनले फेसबुकमा यसअघि नै राखेका थिए। हुँदाहुँदा उनले प्रहरी नायब उपरीक्षक (डीएसपी)को पोसाक लगाएको आफ्नो तस्बिर पनि सार्वजनिक गर्न भ्याइसकेछन्। प्रहरी पोसाक बिनाअनुमति, त्यो

पनि कलाकर्ममा बाहेक अन्यथा प्रयोग गर्न पाइँदैन। नियम र मान्यता मिच्दै प्रकाशले खुलमखुला यस्तो तस्बिर सार्वजनिक गरेपछि आलोचना हुने नै भयो। त्यसपछि फेसबुकबाट उनले त्यो तस्बिरचाहिँ हटाए। तर, गजब त यसमा छ कि यसरी खुलेआम कानुनको उल्लंघन गर्दासमेत प्रशासनले उनीसँग सामान्य सोधपुछ गर्नु पनि जरुरी ठानेन। सायद, प्रचण्ड-पुत्र र गणतन्त्रका 'राजकुमार' भएकाले होला।

- नारायण अमृत , नेपाल साप्ताहिक