सलमानको ‘मेन्टल’ जनवरीमा

एजेन्सी, काठमाडौं, ९ असार। सलमान खानका फ्यानहरुलाई खुशीको खबर। पछिल्लो समय बक्स अफिस किङ मानिएका सलमान अभिनीत बहुप्रतिक्षित चलचित्र ‘मेन्टल’को रिलिज डेट

फिक्स भएको छ। उनका भाई सोहल खान निर्देशित यो चलचित्र आउदो वर्षको जनवरी २४ मा दर्शकले हेर्न पाउने भएका छन्। अर्थात सलमानको नयाँ चलचित्र हेर्न दर्शकले ६ महिना कुर्नुपर्ने भएको छ। ‘मेन्टल’भन्दा अगाडी उनका अरु कुनै चलचित्र प्रदर्शन हुने छैन।

निर्देशक सोहलले यहि वर्षको अन्त्य वा जनवरी पहिलो सातामै रिलिज गर्ने तयारी गरेपनि एक्कासी रिलिज डेट पर सरेको भारतीय सञ्चारमाध्यमहरुले जनाएका छन्। इण्डियामा सुटिङ सकेर हालै फिल्म युनिट दुवई पुगेको छ। ‘मेन्टल’मा सलमानले तबु र सना खानसँग रोमान्स गर्दैछन। सनाको यो डेब्यु मूभि हो।

‘मेन्टल’ लगत्तै सलमान अभिनीत किक, नो इन्ट्री सिक्वेल र नाम तय सरोज बर्जतोय निर्देशित चलचित्र लगातार प्रदर्शन हुनेछन्। यसरी हेर्दा वर्ष २०१४ बलिउड सलमान खानमय हुने देखिएको छ। तर के यी सबै चलचित्रले सय करोडको व्यापार क्रस गर्लान त? यो भने निकै प्रतिक्षाको विषय बनेको छ।