बक्सिङ सिक्दै सनी : दीपिका अब बार डान्सर
पोर्न स्टार सनी लियोन यतिबेला तीन पटक विश्व च्याम्पियन भैसकेका टेरी नारिससँग बक्सिङको कडा अभ्यास गरिरहेकी छिन्। त्यति मात्र होइन, मुम्बईको चर्चित गन क्लबमा बन्दुक पनि चलाउन सिक्दैछिन्। कतै उनी विद्रोह गर्ने तयारीमा त छैनन् ? शंका गर्नु पर्दैन। सनी चलचित्रमा दिइएको आफ्नो भूमिकालाई सशक्त रूपमा निर्वाह गर्न त्यस्तो अभ्यासमा जुटेकी हुन्। चलचित्र 'टिना एन्ड लोलो' मा उनी एक्सन नायिकाको भूमिका निर्वाह गर्दैछिन्। उक्त चलचित्रलाई देवाङ्ग ढोलकियाले निर्देशन गर्दैछन्। चलचित्रको छायांकन मुम्बई तथा जर्जियामा हुने बताइन्छ। दीपिका अब बार डान्सर
'यह जवानी है दिवानी' र 'चेन्नई एक्सप्रेस' को सफलतासँगै दीपिकाको उडान चुलिँदो छ। अब उनी आफ्नो आगामी चलचित्र 'ह्याप्पी न्यू इयर' मा बार डान्सरको भूमिकामा देखिंदै छिन्। फराह खानले निर्देशन गर्ने उक्त चलचित्रमा शाहरूख खान तथा अभिषेक बच्चनको पनि महत्वपूर्ण भूमिका छ। यो चलचित्रको कथा मुम्बईमा डान्सबारमाथि लागेको प्रतिबन्ध तथा डान्सरहरू रोजगारविहीन भएको अवस्थामा केन्दि्रत छ।
साभार : साप्ताहिक
0 Comment:
Speak up your mind
Tell us what you're thinking... !