हिरोइनको झोला

'अनलक्की हिरोइन'को बिल्ला भिराइएकी गरिमा पन्तले अब 'झोला' भिर्दै छिन्। कृष्ण धरावासीको कृति झोलामा फिल्म बनाउन तम्सेका पत्रकार यादव भट्टराईको निर्देशनमा पन्त मुख्य अभिनेत्रीमा छनोट भइसकेकी छन्। गरिमा त्यो भूमिका निर्वाह गरेपश्चात् करयिर उँभो लाग्ने बताउँछिन्। भन्छिन्, "भाग्यभन्दा बढी र समयभन्दा अगाडि कसैले केही पाउँदैन, त्यसैले अब सफल हुने पालो मेरो आउँदै छ।" फिल्ममा सती जान लागेकी एउटी महिलाको चुनौतीपूर्ण भूमिका गरिमाको अभिनय जीवनकै 'टर्निङ् प्वाइन्ट' बन्ला ?