पर्साको निर्मलवस्ती ठोरी विद्युतीकरणमा भारतीय सीमा सुरक्षा बल (एसएसबी) ले फेरि अवरोध गरेको छ ।
निर्मलवस्ती गाविसको रामनगर स्थित ठुटे खोलाको बगरमा १३ फागुनमा विद्युतको पोल गाड्ने क्रममा भिखनाठोरीमा रहेको एसएसबी (सीमा सुरक्षा बल) ले अवरोध गरेको हो । पोल गाडने तयारी भएको स्थान नेपाली भूमीमा पर्ने भएपनि एसएसबीले भारतीय भूमी भन्दै पोल गाडन नदिएको इलाका प्रहरी कार्यालय ठोरीका प्रहरी निरिक्षक मुक्तिनारायण चौधरीले बताए ।
एसएसबीले पोल गाडन नदिएपछि ठुटे खोलामा पुगेका स्थानीयवासीले एसएसबीको विरोध गरेपछि भारतीय सुरक्षाकर्मीले दुइ दिनको समय मागेको प्रंहरी निरिक्षक चौधरीले जानकारी दिए । यसअघि त्यही ठाँउमा गाडिएको विद्युतको दुइ ओटा पोल उखेलेर फालिएको अवस्थामा फेला परेको थियो ।
निर्मल ठोरी विद्युतीकरणमा एसएसबीले अवरोध गरेपछि एक महिना अघि भारतीय महावाणिज्य दूतावासका अधिकारी जसवीर सिंह र पर्साका स्थानीय विकास अधिकारी गजेन्द्र ठाकुर सम्मिलित दुइ देशको टोलीले विवादित स्थानको स्थलगत अनुगमन गरि त्यही ठाँउमा विद्युतको पोल गाडन निर्मल ठोरी विद्युत उपभोक्ता समितिलाइ निर्देशन दिएको थियो ।
भारत सरकारकै आर्थिक सहयोगमा पर्साको निर्मलवस्ती र ठोरी गाविसमा विद्युतीकरणको काम भइरहेपनि एसएसबीले पटक पटक अवरोध गरेका कारण स्थानीयवासी एसएसबी प्रति आक्रोशित बनेका छन ।
अली असगर, वीरगन्ज
अली असगर, वीरगन्ज
हिमाल खबर
