काठमाडौं, फागुन १२ – व्यावसायिक पत्रकारिता र डेमोक्रेसीको आइकन भएको दाबी गर्ने कान्तिपुर मिडियाका भित्री गतिविधिहरूको थप शृंखला फेरि फेला परेको छ । जति खोज्यो त्यति धेरै पाइने कान्तिपुरका गोप्यताहरू कति विघ्न तल्लो स्तरका र आपराधिक खालका छन् भन्ने कुरा समाचार पढेपछि तपाईंले थाहा पाउनुहुनेछ ।श्री डिस्ट्रिलरीका मालिक मथुरा मास्केसँग डिलिङ
लगभग १० वर्षअघि नै नवलपरासीको अरुणखोलामा रहेको चर्चित मदिरा उद्योग श्री डिस्ट्रिलरीले ८० करोड रुपैयाँ राज्यलाई कर तिर्नुपर्ने देखियो । उसबेला अन्तशुल्क नतिरी मदिरा बिक्री–वितरण गरेको पाइएपछि कारबाही भयो । यसरी श्री डिस्ट्रिलरी बन्द भएको समाचारले त्यसबेला चर्चासमेत पाएको थियो । रक्सी उत्पादन गर्न आवश्यक पर्ने कच्चा पदार्थ आयात गर्ने तर उत्पादन नदेखाउने गरेपछि त्यसमाथि छानबिन गर्दा उक्त उद्योगले कर छली गरेको तथ्य सार्वजनिक भएको थियो । तर पछि, माधवकुमार नेपाल प्रधानमन्त्री भएका बेला कान्तिपुरले विशेष महŒव दिँदै एक शनिबारको अंकमा हिजोका अर्बपति आजका रोडपति भन्दै मथुरा मास्के र श्री डिस्ट्रिलरीको समाचार प्रकाशित ग¥यो । उक्त समाचारमा विगतमा मथुराले एमाले महासचिव रहेका बेला माधव नेपाललाई एउटा ल्यान्ड क्रुजर गाडी उपहार दिएको समेत उल्लेख गरेको थियो । आम पाठकलाई भने उक्त समाचारलाई आधार बनाएर मथुरालाई लुट्ने योजनाको हिस्साको रूपमा समाचार प्रकाशित भएकोबारे जानकारी हुने कुरा नै भएन । कुरा के थियो भने केही अघिदेखि नै कैलाशले मथुरालाई भेटेर आफूले उद्योग सञ्चालनको वातावरण बनाइदिने तर त्यसबापत उद्योगको ६० प्रतिशत हिस्सा दिनुपर्ने माग गरिरहेका थिए । ‘सबै नाश हुनुभन्दा बरु आधा नै नाश होस्’ भन्ने सोचेर कैलाशको माग दाबीमा सहमत बन्ने तर्खरमा रहेकै बेला कान्तिपुरमा समाचार छापियो । यसको उद्देश्य मथुरालाई दबाबमा राख्ने र माधवकुमार नेपाललाई सहयोगका लागि तयार बनाउने थियो । हातमा कान्तिपुर बोकेर कैलाश मथुरा निवास नक्साल पुगे र वातावरण बन्न लागेकाले मन्त्रीदेखि ब्युरोक्रेसीसम्मलाई मनाउन १० करोड खर्च गर्नुपर्ने भन्दै २ करोड रुपैयाँ मागे । लगभग ६ अर्बको सम्पत्ति फुकुवा हुन्छ भने लौन त भन्दै कैलाशको हातमा २ करोेड दिएका मथुराले त्यसयता कान्तिपुर टेलिभिजन पर्दामा बाहेक कैलाशलाई हेर्नसमेत नपाएको स्रोत बताउँछ । यसरी ‘मुर्दामाथि कात्रो’ थपेझैं भएर २ करोड एड्भान्स दिएको रकमको अत्तो न पत्तो भएपछि मथुरामा मात्र छट्पटाहट बढेको छैन ।
ल्हाक्र्याल लामा प्रकरण
उता, ल्हाक्र्याल लामालाई उछितो काड्ने समाचार छापेझैं गरेर पनि कान्तिपुरले त्यस्तै ठगीको खेती गरेको थियो । नागरिकता र पासपोर्टसम्बन्धी मुद्दा निकै चर्को गरी उठाएर कैलाशले उनलाई दबाबमा राखे र पछि ५ करोड रुपैयाँमा सबै मुद्दा मिलाइदिने जिम्मा लिए । यसका सूत्रधारका रूपमा फोटो पत्रकारका रूपमा कान्तिपुरमा छिरेर क्राइम रिपोर्टर भएका केदार ओझा थिए । ओझाले एड्भान्सका रूपमा १ करोड रुपैयाँ ल्हाक्र्यालबाट लिए र त्यो कैलाशलाई दिए तर ल्हाक्र्यालको कुनै काम भएन । अन्ततः आफ्नो काम नभएकाले पैसा फिर्ता माग्दै उनी कैलाशको तीनकुने च्याम्बरमै पुगे । तर, कैलाशले उल्टै केको पैसा ? कहिलेको पैसा ? कस्तो पैसा ? भनेपछि उनी निराश भए । आफूले पैसा दिएको केदारलाई तर कैलाशले १ करोड पचाउन त्यसअघि नै कान्तिपुरबाट केदारलाई हटाएको थाहा पाएपछि भने उनी विकल्पहीन बनेका छन् ।
यसैबीच, कान्तिपुर मिडियाको तीनकुनेस्थित हेडक्वार्टरमा जनआह्वान, जनआस्था, र साँघुजस्ता चर्चित साप्ताहिक पत्रिका नल्याउनु भन्दै कैलाशले ठाडो आदेश दिएको पनि स्रोतले बताएको छ । स्मरण रहोस्, यी साप्ताहिकहरूले व्यावसायिकताको नाममा कान्तिपुरको ठगी धन्दा सार्वजनिक गर्दै आइरहेका छन् ।
साभार : अनलाईनग्रेटवे
