मेक्सिकोको जालिस्को राज्यकी ती बालिकाले अस्पतालमा छोरी जन्माएकी स्थानीय अधिकारीहरुले जनाएका छन् । गएको २७ जनवरीमा उनले स्थानीय अस्पतालमा छोरीको जन्म दिएकी हुन् ।
ती बालिकाको श्रीमान भने १७ वर्षको रहेको भनी यसअघि बताइएकोमा त्यसो नभई उनलाई आफ्नै सौतेलो बुबाले गर्भवती बनाएका पनि सो अनुसन्धानबाट पत्ता लागेको छ ।
जालिस्का जिल्लाका सरकारी वकिलले बुधबार पत्रकार सम्मेलन गरी सो कुराको जानकारी दिएका हुन् । सरकारी वकिल थोमस कोर्नाडोले भने, ‘उनका पतिको खोजी गर्ने क्रममा यो पत्ता लाग्यो कि उनलाई आफ्ना सौतेलो बुबाले नै गर्भवती बनाएका थिए ।’ डिएनए परीक्षणबाट सो कुरा पत्ता लागेको जानकारी उनले सो पत्रकार सम्मेलनमा दिए । उनीमाथि यौन शोषण भएको पनि पत्ता लागेको छ ।
यसअघि ती बालिकाको श्रीमान १७ वर्षको रहेको भन्दै उसको खोजी भएको थियो । तरपनि उनको खोजीका क्रममा केही नयाँ तथ्य पत्ता नलागेपछि प्रहरीले उनको सौतेलो बुबाको डीएनए परीक्षण गरेको थियो ।
उनीमाथिको यौन शोषणका बारेमा उनको ४४ वर्षीया पिताले आरोप स्वीकारिसकेका छन् । मेक्सिकोको कानुनअनुसार उनलाई १२ देखि २० वर्षसम्मको जेल सजाय हुनसक्छ ।
हाल ती बालिका र शिशुको स्वास्थ्य अवस्था राम्रो रहेको छ । उनलाई एक संरक्षण गृहमा राखिएको पनि ती अधिकारीले बताए । रासस/एएफपी
