क्रिकेटमा पारसको उपस्थितिको वर्णन गर्न धक मान्नुपर्दैन, इतिहास साक्षी छ। ट्वान्टी-२० कै कुरा गरौं, सन् २००७ बाट सुरु गरेको ट ्वान्टी-२० को अन्तर्राष्ट्रिय यात्रामा पारसले सबै २८ खेल खेलेका छन्, त्यसमा काठमाडौंमा केही दिनअघि सम्पन्न प्रतियोगिताका खेल जोड्न बाँकी छ। पारसले सन् २००९ मा युएईमा सम्पन्न एसीसी ट्वान्टी-२० देखि नेपाली टिम सम्हालिरहेका छन्। इतिहासले देखाउँछ, उनको कप्तानीमा नेपालले ५४ खेल खेलिसकेको छ, त्यसमा ३७ जित जोडिएको छ। एकदिवसीयमा ३० मध्ये २४ खेल जित्दा नेपाल पारसकै नेतृत्व थियो। हारको चर्चा बिर्सन लायक भए पनि एक खेल टाइ भएको थियो, जसमा पाँच महिनाअघि नेपाल युएईसँग खेल्दै एसिसी ट्रफी इलिटमा संयुक्त विजेता बन्यो। उक्त उपाधि नेपाली क्रिकेटले जितेको सबैभन्दा ठूलो प्रतियोगिता हो।
राष्ट्रिय टिमको जर्सीमा उनले एकदिवसीय ६०, तीन दिवसीय ११ तथा ट्वान्टी-२० का २८ वटा खेल खेलेका छन्, त्यसमा चौथो संस्करणको एसीसी ट्वान्टी-२० त जोड्न बाँकी नै छ। विकेटको चर्चा गर्दा उनले वान डेमा ६३, तीन दिवसीयमा १३ तथा ट्वान्टी-२० मा २३ विकेट लिएका छन्। त्यस्तै, एसीसी ट्रफीमा कुवेतविरुद्ध बनाएको अविजित १ सय ६ रन पारसको अन्तर्राष्ट्रिय क्रिकेटमा पहिलो शतक हो।
पारसले जस्तै यसअघि १ सय म्याचको उपलव्धि शक्ति गौचन र विनोद दासको नाममा पनि छ, फरक के मात्र छ भने पारसको पालामा ने पाली क्रिकेटले अर्को एउटा विश्वकपको ढोका खोलेको छ। विश्व क्रिकेट लिग डिभिजन-४ मा जित हात पार्दै नेपाल डिभिजन तीनमा उक्लिएको छ, जहाँ पारस टिमका सारथि
नै हुन्।
यति धेरै उपलब्धि र पृष्ठभूमि हुँदा पनि पारसले सन्तोष भने मान्न सकेका छैनन्। उनी भन्छन्- अब पनि जति खेल्छु, राष्ट्रिय टिमका लागि अझै राम्रो गर्ने प्रयास गर्नेछु। नेपालले अर्को वर्ष बर्मुडामा डिभिजन तीन खेलेर विश्वकपको यात्राका लागि कठिन बाटो तय गर्ने अपेक्षा गर्दा पनि पारस टिमका कप्तान नै रहनेछन्। अलराउन्डर पारसको र्फम नेपाली टिमको प्रदर्शनको आधार बन्न सक्छ, जसका लागि उनको अहिलेकै लय आवश्यक छ। पछिल्लो पटक मलेसियाविरुद्ध ८७ रन बनाएका पारसको व्याटिङ लय उत्कृष्ट छ।
-अनिल बोगटी साप्ताहिक
0 Comment:
Speak up your mind
Tell us what you're thinking... !