स्कटल्याण्डको एक पुस्तकालयले मानिसमा पठन संस्कृतिको विकाश होस् र पुस्तकालाय धाउने मानिसहरुको संख्या बढोस् भन्ने हेतुले अनौठो जुक्ति लगाएको छ । पुस्तकालयले मानिसहरुलाई पुस्तकालायमा तान्नका लागि निशुल्क पोल डान्सिङको कक्षा संचालन गरेपछि त्यसले निकै विवाद र चर्चा कमाएको छ ।
पुस्तकालयमा निकै कामूक तथा अश्लील लाग्ने पोल डान्सको कक्षा संचालन गर्ने मात्र होइन पुस्तकालयले किताबलाई टेनिस ब्याटको रुपमा प्रयोग गरी पुस्तकालभित्रै टेनिस खेल्न पाउने सुविधा समेत प्रदान गरेको छ ।
समाचार अनुसार पुस्तकालय आउने पाठकको मन बहलाउन तथा पढाइमा अभिरुची जगाउन स्थानीय कलाकारले उत्तेजक पोल डान्सको प्रस्तुती दिन्छन्, बुकी टेबल टेनिस भनिने खेल
मा किताबलाई टेबल टेनिसको ब्याटको रुपमा प्रयोग गर्न सकिन्छ भने त्यहाँ पोल डान्स हेर्दै उपन्यास लेख्ने प्रतियोगिता पनि हुन्छ । यतिमात्र होइन पुस्तकालयमा पढ्न जानेले मसाजको सुविधा पनि लुट्न पाउँछन् । स्तवमा यस्ता रोचक सत्र दिनभरी नै चलिरहन्छन् तर पाठकले पुस्तकालयभित्र नपढीकन खाली यस्तै उट्पट्याड काममा भाग लिन मात्र भने पाउँदैन । निश्चित समयसम्म पढेर बँचेको समयमा यस्तो मनोरञ्जक काममा भाग लिन पाइन्छ ।
यो कार्यक्रमका सुरुवातकर्ताहरुले यसलाई विश्वमै पहिलो प्रयास भएकेा दाबी गर्दै यसले मानिसलाई पुस्तकालयमा गएर पढ्न प्रेरित गर्ने बताएका छन् । पुस्तकालय अभियन्ताहरुले भने पोल डान्स नौलो भएपनि खासै आपत्तिजनक नभएको तर किताबलाई टेनिस ब्याटको रुपमा प्रयोग गर्ने कुरा साँच्चीकै पुस्तकको अवमुल्यन भएकेा र निकै खराब कुरा भएको बताउँछन् । सरकारी अधिकारी तथा स्थानीय प्रतिनिधहरुले पनि पुस्तकालयको उक्त कमदको प्रतिरक्षा गरिदिएका छन् ।
0 Comment:
Speak up your mind
Tell us what you're thinking... !