टाँसिएर सुत्ने नयाँ ब्यापार

विच्छ्यौनामा युवा–युवती आनन्दसँग सुतिरहेका छन्। झट्ट हेर्दा उनीहरु श्रीमान् श्रीमती हुन् भन्ने लाग्न सक्छ तर हैन केही समयपछि त्यही युवती अर्काे कुनै पुरुषसँग यसैगरी सुतिरहेको देखिन्छ। उनीहरु पेशेवर कडलर हुन् अर्थात् टाँसिएर सुत्ने युवतीहरु हुन्। २९ वर्षीय ज्याकी स्यामुअल अनजान पुरुषहरुसँग प्रतिदिन सुत्नकालागि ३ सय ६० डलर र एक घण्टाका लागि ६० डलर अर्थात पाँच हजार दुई सय ८० रुपैयाँ लिन्छिन् तर यसमा कुनै पनि अश्लिल काम गर्न पाइँदैन।
भित्री वस्त्रले ढाकिएको कुनै पनि अंगलाई छुन पाइँदैन। सुत्ने समयमा उनी पाइजामा लगाउँछिन्। उनले पैसाको कमीका कारण यस्तो पेशा अंगालेकी हुन्। उनी भन्छिन्, 'यसमा मलाई केही पनि नराम्रो लाग्दैन। मलाई आफ्नो पढाई र बच्चाकालागि यो काम गर्न मन पर्छ।146 उनी एक हप्तामा करिब ३ सय पुरुषसँग यसैगरी टाँसिएर सुत्छिन्। उनीसँग टाँसिएर सुत्न आउनेहरुमा अपराधीदेखि सैनिकसम्म छन्। कोही श्रीमतीको मृत्यु भएपछि आएका छन् भने कोही पहिलो पटक युवतीसँग सुत्न चाहनेहरु। उनलाई साथीहरुले वेश्यासम्म भन्छन् भने कलेजले निकाल्ने धम्की समेत दिएको छ। टाँसिएर सुत्नु शरीरकालागि पनि लाभदायक भएको उनी बताउँछिन्। उनले आफ्नो सेवाबारे अनलाइनमार्फत् प्रचार समेत गराएकी छिन्। आफ्नो ब्यापार फस्टाएपछि उनले अर्की एक युवतीलाई पनि काम दिएकी छिन्।