२८ फागुन, काठमाडौं । नेपाल विद्युत प्राधिकरणले आजदेखि लागु हुनेगरी दैनिक २ घण्टा लोडसेडिङ घटाएको छ । चैत १ गतेबाट सुरु हुने एसएलसी परीक्षालाई लक्षित गरी सातामा १२ घण्टा घटाउन लागिएको प्राधिकरणले जनाएको छ ।
नयाँ तालिका अनुसार सोमवारदेखि दैनिक १० घण्टाका दरले हप्तामा ७० घण्टा लोसेडिङ हुने छ । यसअघि हप्ताको ८२
घण्टा लोडसेडिङ्ग हुँदै आएको थियो ।
नदीमा पानीको जलस्तर घट्ने क्रममा रहे पनि तापिय विद्युत सञ्चालन, भारतबाट विद्युत आयत, काली गण्डकी ए जल विद्युत केन्द्रको मर्मतलगायतका कारणले लोडसेडिङ घटाउन सकिएको प्राधिकरणले जनाएको छ ।
