यो कुनै अलौकिक प्रेम थिएन, अफ्नै उमेरकी किशोरीसँग १२ वर्षे जर्ज मारियो बर्गोलियोको ‘दिवानगी’ थियो । अर्जेन्टिनाको ब्युनस आयर्स नजिकै बस्ने अमालिया डेमोण्टे अहिले पनि मिठो पाराले सुनाउँछिन, उनका किशोर प्रेमीले त्यतीबेला भनेका
पोपको पहिलो प्रेम अमालिया डेमोण्टे । तस्बीर: एएफपी
अमालिया डेमोन्टेका तीनै किशोर प्रेमी जर्ज मारियो बर्गोलियो भर्खरै पोप फ्रन्सिस नियुक्त भएका छन् ।
७६ वर्षीया अमालियाका अनुसार जुन चिट्ठी बर्गोलियोले उनका लागि लेखेका थिए त्यसमा रातो छत भएको सेतो घरको चित्र कोरिएको थियो र लेखिएको थियो, ‘हाम्रो विवाह भएपछि मैले यो घर किन्ने छु । यदि तिमीसँग बिहे गर्न सकिन भने पादरी बन्ने छु ।’
अमालिया अहिले पनि त्यो घरभन्दा जम्मा चार घर टाढा बस्छिन जहाँ बर्गेलियो हुर्केका थिए ।
यद्दपी यो रोमान्स हुर्कन पाएन । “मेरी आमाले यो (प्रेम) तोड्दिनुभयो,” अमालियाले भनिन, “हे भगवान ! उहाँ मलाई लिन स्कुल आएका बेला भन्नुभयो, ‘एऽऽअब तिमलाई केटाले पत्र लेख्न थालेको छ ?’ ”
अमालियाले थप सजाय पाउने डरले पत्रको जवाफ दिइनन् । “त्यसपछि मैले उनलाई देखिन, बुवा–आमाले हामीलाई छुट्टयाउन अनेक उपाय गर्नुभयो,” अमालियाले सुनाइन् ।
-एजेन्सीहरु
