मुम्बई/एजेन्सी– ऋतिक रोशनको सुपरहिट फिल्म ‘क्रिस–३’ ले बक्स अफिसमा नयाँ इतिहास बनाएको छ । फिल्म व्यापार विशेषज्ञको अनुसार क्रिस–३ ले नयाँ रेकर्ड बनाएको छ । फिल्मले एक दिनमा सबैभन्दा धेरै कमाइ गर्ने रेकर्डसमेत तोडेको छ । कोमल नाहटा र तरणजस्ता फिल्म व्यापार विशेषज्ञका अनुसार क्रिस–३ ले सोमबार अर्थात रिलिजको चौथो दिन मात्र ३५.९१ करोड भारतीय रुपैयाँ कमाइ गरेको छ । यो कमाइ हिन्दी फिल्ममा अहिलेसम्म एक दिामा कमाइ गरेकामध्ये सबैभन्दा धेरै रकम हो । यसअघि यही वर्ष प्रदर्शन भएको शाहरुख खानको चेन्नई एक्सप्रेसले राम्रो व्यापार गरेको थियो । सो फिल्मले रिलिज भएकै दिन ३३ करोड रुपैयाँ कमाइ गरेको थियो । चेन्नई एक्सप्रेसभन्दा अघि सलमान खानको एक था टाइगरले पहिलो दिन ३२.५ करोड रुपैयाँ कमाइ गरेको थियो । फिल्म समीक्षक तरण आदर्शले ट्वीट गर्दै भनेका छन्, ‘क्रिस–३ ले प्रदर्शनको पाँचौ दिनसम्म बलिउड बक्स अफिसमा १ सय ३० करोड ५० लाख भारतीय रुपैयाँको व्यापार गरेको छ । त्यसो त कोमल नाहटाले पनि तरणको भनाइलाई पुष्टि गरेका छन् । दीपावलीको दुई दिनअघि प्रदर्शन भएको क्रिस–३ को विषयमा दर्शकले समेत फिल्म राम्रो भएको प्रतिक्रिया दिएका छन् । यही गतिमा फिल्मको व्यापार भइरहेको क्रिस–३ लाई चेन्नईएक्सप्रेसको रेकर्ड तोड्न समस्या हुने छैन् । चेन्नई एक्सप्रेसले कुल २ सय २६ करोड रुपैयाँको कारोबार गरेको थियो ।
साभार :
0 Comment:
Speak up your mind
Tell us what you're thinking... !