यसरी हार्‍यो नेपाल

नेपालको पोस्टमा छिरेको यही एकमात्र गोलले नेपाल अफगानिस्तानसँग साफ च्याम्पियनसिपको सेमिफाइनलमा १-० ले पराजित भयो। हेर्नुस् अफगान खेलाडीले यसरी हानेको फ्रि किक किरण चेम्जोङले समाते पनि बल फुत्किएको

थियो। अनि छेउमै भएको गोल गर्ने खेलाडी अहमदीलाई रोक्ने/छेक्ने कोही थिएन। 

किरण चेम्जोङले त्यो बल समातेका थिए।

तर हातबाट फुत्कियो।

फेरि समात्न खोजेका थिए, फेरि फुत्कियो।

अफगानी खेलाडी अहमदी त्यो देखेर अगाडि आए।

यतिञ्जेल किरणले बलमाथि नियन्त्रण गुमाइसकेका थिए।

अहमदीले त्यही मौकाको सदुयोग गर्न खोजे। बल उनीतिरै आयो।

किरण ढले, बल अहमदीको जिउमा ठोक्कियो।

किरण सम्हालिन बाँकी नै थियो, अहमदीले बल तिर आँखा लगाए। नेपाली डिफेन्डरले भेउ पाउन सकेका थिएनन्।

अहमदी बलतिर अघि बढे।

अनि हाने पावरफूल सट।

३२ नम्बरको जर्सीका नेपाली डिफेन्डर लाचार थिए। किरण त पछाडि परिसकेका थिए।

अहमदीको बल जालीतिर।

एक जना नेपाली डिफेन्डर अझै पोस्टमा थिए। तर उनले पनि भेउ पाउन सकेनन्।

र, बल छिर्‍यो १० औँ मिनेटमा। यही गोल पराजयको कारण बन्यो।

अनि ती दुई पटक हान्न पाएको पेनाल्टी मिस भएको !

रोहित चन्दको पहिलो पेनाल्टी यो कुनामा गएको थियो जसलाई मन्सुर फगिरयारले रोके।

तर रेफ्रीको सिटी अघि नै अफगान खेलाडी डि एरियामा अघि बढेको भन्दै लाइन्सम्यानले झण्डा उठाए। पेनाल्टी फेरि हान्नुपर्ने भयो।

रोहित चन्दले दोस्रो पेनाल्टी पनि ठीक त्यही ठाउँमा हाने। शायद उनले पहिले यही ठाउँमा हानेकोले गोलकिपरले अबको पल्ट अर्कै कुना च्यापेर हान्छ होला भनेर सोच्छ भन्दै त्यहीँ हानेका हुन् कि।

पेनाल्टी हान्न मिडफिल्डर रोहित छानिनु ठीक थियो त ? नेपालका अमेरिकी प्रशिक्षक ज्याक स्टेफानोस्की भन्छन्- पेनाल्टी जसलाई आत्मविश्वास छ उसलाई हान्न दिने हो। सामान्यतया हामी राजु तामाङलाई दिन्थ्यौँ। तर उनी मैदानमा थिएनन्। त्यसैले सबैभन्दा आत्मविश्वास भएको अर्को राम्रो खेलाडी भएकोले हामीले उनलाई हान्न दिएका हौँ।

अफगानी प्रशिक्षक युसुफ कारगरले चाहिँ यसो भने- “हामीले विदेशी प्रशिक्षक भएका चार टिमलाई हरायौँ, आशा गर्छौँ अर्को एउटालाई पनि हराउन सक्नेछौँ।” फाइनलमा भारतलाई हराएर बदला लिन पाए खुसी हुने उनले बताए।

पेनाल्टी पाउनुको कारण भने यो थियो।

यो अन्तिम मिनेटमा नेपालले कर्नरबाट आएको बललाई झण्डै पोस्टभित्र छिराइसकेको थियो। नेपाली गोलकिपर किरण पनि विपक्षीको पोस्टमा आएका थिए। तर अफगान गोलकिपर फलामे बार जस्तै उभिएका थिए। छिर्न दिएनन् बललाई।

ल अबे खेलको प्राविधिक पक्ष बुझेकाहरुले तल कमेन्ट गर्नुस्, आखिर नेपालको कमजोरी के के थियो ?

युट्युबको भिडियो स्क्रिन क्याप्चर भएकोले फोटो प्रष्ट छैन। भिडियो नै हेर्ने भए तल हेर्नुस्-

दुई चोटी पेनाल्टी हान्न लगाएको दुवै चोटी गोल नभएको। दिक्क मान्नुभएको छ भने यो खेल हेर्नुस्, रेफ्रीले पाँच चोटी पेनाल्टी हान्न लगाएका छन‌्-

यसरी किन पेनाल्टी फेरि हान्न लगाइन्छ त ? फिफाको नियममा यस्तो छ-

Law 14 – the penalty kick
Position of the ball and the players
The ball:
must be placed on the penalty mark

The player taking the penalty kick:
must be properly identified

The defending goalkeeper:
must remain on his goal line, facing the kicker, between the goalposts until the ball has been kicked

The players other than the kicker must be located:
inside the field of play
outside the penalty area
behind the penalty mark
at least 9.15 m (10 yds) from the penalty mark

साभार : माई संसार