वर्षका रोचक प्रसंग : सन् २०१३

संसार विचित्रको छ। यहाँ हामीले सोचेको र भोगेको भन्दा फरक एवं अपत्यारिला घटना देख्न-सुन्न पाइन्छ। यो वर्ष यस्ता रोचक एवं अनौठा खबरले पत्रपत्रिकाका पाना रंगिए। 

वेबक्याम अघि निर्वस्त्र पार्ने धन्दा

मानिसको औसत आयुभन्दा तेब्बर बढी जेल सजाय सुनाइयो एक अमेरिकी युवालाई। उक्त सजायको प्रसंगभन्दा चाखलाग्दो छ, उनको कर्तुत। क्यारेन ग्यारी काजरियान नामक ती युवाले करिब ३ सय ५० महिलालाई ब्ल्याकमेल गर्दै वेबक्यामअघि निर्वस्त्र हुन बाध्य बनाएका थिए। 

ब्वाइफ्रेन्ड भेट्दा मुन्डन 

आफ्ना ब्वाइफ्रेन्डसँग भेटघाट गर्नुलाई सम्भवतः कुनै पनि कानुनले वर्जित गरेको छैन। यद्यपि जापानकी पप स्टार भिनामी मिनिगिसी ब्वाइफ्रेन्डसँग भेटेकै कारण केस मुन्डन गर्न बाध्य भइन्। आफू आबद्ध ब्यान्डको नियम तोड्दा उनले त्यस्तो सजायको भागिदार बन्नुपरेको थियो। 

समलिङ्गी कुकुरलाई घर निकाला

प्रसंग अमेरिकास्थित टेनेसी राज्यको हो। त्यहाँका एक व्यक्तिले आफूले पालेको कुकुरलाई समलिंगी भएको आंशकामा घरबाट निकालेर डग सेल्टरमा पठाइदिए। मालिकको दाबीअनुसार सेल्टरले पनि कुकुरलाई मृत्युदण्डको तयारी गर्‍यो। यद्यपि एक फेसबुक प्रयोगकर्ताले कुकुरको पक्षमा अभियान छेडेपछि उक्त कुकुर मृत्युको मुखबाट जोगियो। 

पोर्नस्टारको चाहना 

अमेरिकाकी विकाउ एवं महँगी पोर्नस्टार बोको ब्राउनले अन्तरिक्षमा पुग्ने पहिलो पोर्न स्टार वन्न इच्छा गरिन्। उनको चाहना २०१४ को अन्तरिक्ष मिसनमा सहभागी हुने थियो। त्यसका लागि ब्राउनले ६४ हजार डलर खर्चिएर होल्यान्डको कम्पनी एन्टी ग्रेभिटी मिसनमा अन्तरिक्षको अभ्यास सुरु गरेकी छिन्। 

कुरूप महिलाको अन्त्यष्टि 

उनी विश्वकै कुरूप महिला थिइन्। १ सय ५० वर्षअघि मरेकी ती महिलाको अन्त्येष्टिको साइत यो वर्ष मात्र जुर्‍यो। १९ औं शताब्दीमा उनलाई विश्वको सवैभन्दा अनाकर्षक महिलामा गनिन्थ्यो। ती महिलाको अनुहारभरि रौं उमि्रएको र अस्वाभाविक रूपमा मुख उछुट्टएिको थियो।

८ वर्षेसँग ६१ वर्षेको विवाह

दक्षिण अपि|mकामा ८ वर्षे बालकको विवाह ६१ वर्षीया महिलासँग भयो। उक्त विवाह उत्सवमा दुलाहा सैनेले मासिलेलाले ६१ वर्षीया दुलही हेलेनलाई जीवनभर साथ दिने वाचा गर्दै अंकमाल गरेका थिए। विवाहमा महिलाका श्रीमान् एवं ५ छोरीसमेत उपस्थित थिए। उक्त विवाह परम्परा धान्न मात्र गरिएको बताइन्छ। 

हटकट सैलुनमा ग्राहकको भीड

अस्ट्रेलियाको सिड्नीमा खोलिएको एक सैलुनमा ग्राहकको भीड थामिनसक्नु बढ्यो। ग्राहक त्यहाँ गुणस्तरीय सेवा सुविधाका लागि पुगेका थिएनन्। त्यसको खास कारणचाहिँ सैलुनमा भएका महिला हेयर ड्रेसर थिए जो टपलेस भएर आफ्नो सेवा दिन्थे। 

जुम्ल्याहा यौनकर्मीको संन्यास 

५० वर्ष यौन सेवा दिएका जुम्ल्याहा दिदीबहिनीले नेदरल्यान्डको राजधानी एम्सटर्डमस्थित चर्चित रेड लाइट एरिया छाडे। लुइस र मार्टिन नामक ७० वर्षीया दिदी-बहिनीले आफ्नो जीवनकालमा ३ लाख ५५ हजारसँग यौन सम्पर्क गरेका थिए। 

समाचारवाचिकाको विवाह प्रस्ताव 

अमेरिकी टिभी च्यानल न्युज-५४ की समाचार वाचिका जिलिअन पाभलिका ब्रेकिङ न्युज पढ्ने क्रममा झुक्किएर आफ्नै प्रेमीद्वारा लिखित विवाहको प्रस्ताव वाचन गर्न पुगिन्। राति ९ बजेको उक्त समाचारलाई अर्का सहयोगीले मौसमको भविष्यवाणीका साथ सकेका थिए। 

श्रीमतीको गुप्तांगमा ताल्चा

एक श्रीमान्ले आफ्नी श्रीमतीको नियतमाथि शंका गर्दै उनको यौनाङ्गमा ताल्चा लगाइदिए। भारत मध्यप्रदेश राज्यका ३८ वर्षीय अटो मेकानिक सोहनलाल चौहानले ४ वर्षदेखि आफ्नी श्रीमतीको गुप्ताङ्गमा ताल्चा लगाएर राखेका रहेछन्। असह्य पीडा खप्न नसकी ती महिलाले आत्महत्याको प्रयास गरेपछि मात्र उक्त रहस्य उद्घाटन भएको थियो। 

बलात्कारीको यस्तो कुकृत्य 

अपराधीले तीन युवतीलाई बन्धक बनाएर बलात्कार गरे, एकपटक, दुई पटक होइन लगातार १० वर्षसम्म। अमेरिकाको ओहायो राज्यको क्लिभल्यान्ड सहरमा बस्ने ५३ वर्षीय एरियल कास्त्रोले घरको भूमिगत कोठामा तीन महिलालाई बन्धक बनाएर लगातार यौन उत्पीडन दिएका थिए। उनलाई अमेरिकी अदालतले १ हजार वर्षको कैद सजाय सुनाएको छ। 

वेश्यावृत्तिको नयाँ शैली

चीनमा यो वर्ष वेश्यावृत्तिलाई समय अनुसार अपडेट गर्ने उपाय सिकाइयो। एक भिडियोमा देखिए अनुसार केही महिला यौनकर्मीलाई इन्टरनेट र सोसल नेटवर्किङ साइटको व्यापक उपयोग गर्दै व्यवसाय प्रब्वर्द्धन गर्न उत्प्रेरित गरिएको थियो। उक्त घटनामा यौनव्यवसायलाई प्रबर्द्धन गर्न इन्टरनेट संजालमा कसरी प्रस्तुत हुने भनेर यौनव्यवसायीहरूलाई तालिम दिइएको थियो।  

आफ्नै लिंग काट्ने युवक

निराश एक चिनियाँ नागरिकले आवेशमा आएर आफ्नै लिंगछेदन गरे। विपरितलिंगी नपाएको निराशाका कारण उनले आफ्नो लिंग काटे । लिंग काटिसकेपछि उनी साइकल चलाएर अस्पताल पुगे। २६ वर्षीय येङ हु अस्पताल पुगेपछि चिकित्सकहरूले छुटि्टएको अंग बिना उपचार हुन नसक्ने बताएका थिए। धेरै रगत बगिसकेकाले पछि उनको उपचार हुन सकेन। 

कौमार्य लिलाम

रूसकी एक किशोरीले ३० हजार डलरमा आफ्नो कौमार्य लिलाम गरिन्। १८ वर्षकी ती युवतीको नाम सार्वजनिक भएको छैन। अनलाइन विज्ञापनमा उनको कौमार्यलाई एक पुरुषले होटलमा भेट्ने शर्तका साथ सम्बोधन गरेका थिए। 

न्युज च्यानलमा अश्लील भिडियो 

स्वीडेनस्थित एक टेलिभिजन च्यानलमा समाचार प्रसारण भैरहेको समयमा १० मिनेटसम्म अश्लील भिडियो प्रसारण भयो। २४ घन्टे न्युज च्यानलमा विहानको १० बजेको बुलेटिनमा उक्त घटना भएको थियो। उक्त टेलिभिजन कम्पनीको अर्को च्यानलले रातको समयमा अश्लील भिडियो देखाउने भएकाले कुनै प्राविधिक कारणले न्युज बुलेटिनमा अश्लील भिडियो प्रसारण भएको बताइएको छ।

साभार : साप्ताहिक