सर्वाधिक कामुक पुरुष

पुरुषहरूका सन्दर्भमा कामुकताको बेग्लै परिभाषा छ। कामुकताको परिभाषामा पुरुषहरूलाई महिलाहरूजस्तो शारीरिक आकर्षणसँग जोडिएको पाइँदैन। मानिसहरूसँग गर्ने व्यवहार, बोली वचन एवं आफ्नो क्षेत्रमा प्राप्त सफलताले पुरुषहरूको आकर्षणलाईं परिभाषित गरेको पाइन्छ। यसै
सन्दर्भमा ग्ल्यामर म्यागजिनले वर्ष २०१३ मा आफ्नो कार्यक्षेत्रको सफलता र महिलाहरूलाई आफूतर्फ आकषिर्त गर्न सक्ने क्षमताका आधारमा संसारका सर्वाधिक कामुक पुरुषको सूची जारी गरेको छ।

हेनरी काभिल

गत वर्ष कामुक पुरुषहरूको यो सूचीको १० औं स्थानमा रहेका बेलायती कलाकार हेनरी विलियम डेलग्लिस काभिल यो वर्ष पहिलो स्थानमा उक्लिएका छन्। सन् १९८३ मे ५ मा जन्मिएका काभिलको द काउन्ट अफ मोन्टे क्रिस्टो, स्टारडस्ट, इम्मोर्टल जस्ता चलचित्र प्रसिद्ध छन्।

रोबर्ट पेटिन्सन

मोडलिङ, अभिनय एवं संगीतजस्ता तीनवटा फरक विधामा नाम कमाएका रोबर्ट डग्लस थोमस पेटिन्सन यो सूचीको दोस्रो स्थानमा छन्। गत वर्ष उनी पहिलो स्थानमा थिए। १३ मे १९८६ मा जन्मिएका पेन्टिसन बेलायतका नागरिक हुन्। सन् २००४ देखि मनोरञ्जनको संसारमा उदाएका पेटिन्सन चलचित्र निर्माणको क्षेत्रमा पनि सक्रिय छन्।

लियम हेम्सवर्थ

अस्ट्रेलियाका टेलिभिजन कलाकार लियम हेम्सवर्थ कामुक पुरुषहरूको यो सूचीको तेस्रो स्थानमा छन्। उनी पहिलो पटक यो सूचीमा अटाएका हुन्। 'द इलिफेन्ट प्रिन्सेस' तथा 'नाइवर्स' नामक टेलिसिरियलबाट चर्चामा आएका हेम्सवर्थ १३ जनवरी १९९० मा जन्मिएका हुन्।

टम हिडल्टन

कामुक पुरुषहरूको यो सूचीको चौथो स्थानमा टम हिडल्टन छन्। उनी गत वर्ष यो सूचीको दोस्रो स्थानमा थिए। ९ फेब्रुअरी १९८१ मा जन्मिएका हिडल्टन पनि बेलायती अभिनेता हुन्। रोयल एकेडेमी अफ ड्रामेटिक आर्टबाट स्नातक गरेका हिडल्टनले टेलिभिजन सो तथा चलचित्रहरूमार्फत् मानिसहरूको मनमा आफ्नो स्थान बनाएका हुन्।

ह्यारी स्टाइल्स

सूचीको छैटौं स्थानमा बेलायतका गायक ह्यारी स्टाइल्स छन्। सन् १९९४ फेब्रुअरी १ मा जन्मिएका ह्यारी स्टाइल्सको आफ्नै संगीत समूह 'वन डिरेक्सन' छ। उनका प्रसिद्ध गीत ह्वाट मेक्स यु ब्युटिफुल, बेस्ट सङ इभर, किस यु, वन वे अर अनदर आदि हुन्। उनी स्टेज पर्फमेन्सका लागि कहलिएका छन्।

क्रिस हेम्सवर्थ

अस्ट्रेलियाका चलचित्र कलाकार क्रिस हेम्सवर्थ कामुक पुरुषहरूको यो सूचीको सातौं स्थानमा छन्। उनी पहिलो पटक यो सूचीमा अटाएका हुन्। 'द एभेन्जर' र 'थोर' सिरिजका चलचित्रबाट चर्चामा आएका हेम्सवर्थ अस्ट्रेलियन टेलिसिरियल 'होम एन्ड अवे' बाट चिनिएका हुन्। हेम्सवर्थ ११ अगस्ट १९८३ मा जन्मिएका हुन्।

इडि्रस एल्बा

बेलायतका चलचित्र कलाकार, निर्माता, गायक तथा डिजे इडि्रस एल्बा कामुक पुरुषहरूको यो सूचीको आठौं स्थानमा छन्। उनी पहिलो पटक यो सूचीमा अटाएका हुन्। यो सूचीमा अटाउने उनी एकमात्र काला जातिका व्यक्ति हुन्। एल्बा ६ सेप्टेम्बर १९७२ मा जन्मिएका हुन्।

जेमी क्याम्पबेल बोयर

बेलायतका चलचित्र कलाकार, गायक तथा मोडल जेमी क्याम्पबेल बोयर कामुक पुरुषहरूको यो सूचीको नवौं स्थानमा छन्। उनी पहिलो पटक यो सूचीमा अटाएका हुन्। चलचित्र स्विनी टोड ः द डेमोन बारबर अफ फिलिट स्टि्रटबाट ख्याति कमाएका जेमी क्याम्पबेल २२ नोभेम्बर १९८८ मा जन्मिएका हुन्।

जस्टिन बिबर

सूचीको दसौं स्थानमा क्यानाडाका गायक जस्टिन बिबर छन्। सन् १९९४ मार्च १ मा जन्मिएका जस्टिन बिबर आफ्ना पप तथा र्‍याप गीतका कारण युवापुस्ता बीच लोकप्रिय छन्। गीत गाउनुका अतिरिक्त बिबर गितार, पियानो तथा ड्रम बजाउन पनि माहिर मानिन्छन्।
साभार : सप्ताहिक