आमिर खान रुनथालेपछि सुटिङ नै रोकियो

एजेन्सी । बलिउडका जबरजस्त नायक आमिर खानले बहुचर्चित टेलिभिजन शो सत्यमेव जयतेको दोश्रो संस्करण छिट्टै ल्याउँदैछन् ।
शोको पहिलो भागमा सवैजसो एपिसोडमा आँसु खसाएका आमिरले दोश्रो भागको शुरुकै दिनको सुटिङमा रोएपछि सुटिङ रोक्नु परेको छ ।

सत्यमेव जयते २ को पहिलो शोमा महिलाविरुद्धको अपराधबारे कार्यक्रम बनाउँदै गरेका उनी सुटिङका क्रममा रोएपछि सुटिङ स्थगित गरिएको भारतीय सञ्चार माध्यमहरुले जनाएका छन् ।
शोको विषयमा बताएर महिलाहरुसँग कुरा गर्न थालेका आमिर महिलाहरुका कुरा सुन्दा सुन्दै रुन थालेपछि समस्या भएको थियो ।
आमिर महिलाहरुको कहानी सुनेर यति रोएकी पहिलो दिनको सुटिङ ३० मिनेट सम्म रोक्नु परयो । आमिरले चाहेर पनि आफूलाई सुटिङको लागि तयार गर्न नसकेपछि काममा अवरोध उत्पन्न भएको थियो ।
सत्यमेव जयतेको पहिलो संस्करणको अन्तिम एपिसोडमा पनि आमिरलाई यस्तै समस्या भएको थियो ।
निक्कै अदभुत् अभिनय गर्ने आमिर अरुको दुख भने देख्न नसक्ने ब्यक्ति हुन् । उनले बनाएको सत्यमेव जयतेको पहिलो संस्करणका सबै कार्यक्रमहरु विश्वव्यापीरुपमा चर्चित भएका थिए ।
सामाजिक कुसंस्कारबारेका अधिकाँश कार्यक्रममा दर्शक समेत रुने अवस्था सृजना भएको थियो । उनको शो ले अन्तर्राष्ट्रिय पुरस्कार समेत जितेको थियो ।
स्रोत : ताइतन हेराल्ड