म ३३ वर्षीया महिला हुँ। विवाह भएको ६ वर्ष भयो, एउटी छोरी पनि छिन्। मेरा श्रीमान् विवाह भएदेखि नै यौन चलचित्र एवं सेक्स साइटहरू हेर्नुहुन्छ। मलाई पनि हेर्न कर गर्नु हुन्छ। सुरु-सुरुमा मैले साथ दिएँ, तर आजकाल मलाई वाक्क लाग्छ। यसकै कारण हामीबीच झगडा पनि हुन्छ। मलाई लाग्छ, यौन चलचित्रप्रतिको यो रुचि कतै मप्रतिको आकर्षणको कमी त होइन ? मैले यस्तो चलचित्र धेरै हेर्नु हुँदैन भनेर धेरै पटक सम्झाउने प्रयास पनि गरें। तैपनि उहाँलाई यस किसिमका चलचित्रले यति धेरै प्रभाव पारेका छन् कि उहाँ मेरो कुरा सुन्न चाहनुहुन्न। यो कस्तो खालको समस्या हो ?के मेरा श्रीमान् समस्यामा हुनुहुन्छ ? उहाँलाई मैले यौन चलचित्र हेर्न नदिनु वा आग्रह गर्नु गलत हो ?
आर.सी
तपाईंलाई श्रीमान्को यौन चलचित्र हेर्ने बानीले ठूलो समस्या पर्ने हो कि भन्ने चिन्तामा पारेको देखिन्छ। एकै वाक्यमा उत्तर दिने हो भने यौन चलचित्र हेर्नु नै समस्या हो भन्न मिल्दैन। तैपनि श्रीमान्ले त्यस्ता चलचित्र हेरेर तपाईंको व्यक्तिगत जीवनमा समस्या पैदा गर्नुभएको छ भने यस विषयमा भने सोच्नु आवश्यक हुन्छ। जब इन्टरनेटको विकास भयो, त्यसपछि तत्काल चल्ने र चर्चित हुने भएकाले यस्ता सेक्स साइटको विस्तार तीव्र गतिमा भएको देखिन्छ। यसको अर्थ सेक्स साइट नहुँदा यस विषयमा चासो थिएन भन्ने होइन। इन्टरनेटको विकासले एउटा समाजमा हुने सेक्सका तौरतरिका अर्को समाजमा छिटो विस्तार भएको मात्र हो। यसले संसारको एउटा कुनामा भएका यौनजन्य क्रियाकलाप एवं तौरतरिकाहरू अर्को कुनामा द्रुत गतिमा विस्तार भएका छन्। यसलाई स्वाभाविक मानिन्छ। सेक्स साइटमा जाने र आफूलाई मन पर्ने दृश्यहरू डाउनलोड गरेर हेर्नेमा तपाईंको श्रीमान् एक्लो हुनुहुन्न। सेक्स बारम्बार सफिर्ङ गरिने साइटमध्ये अग्रपंक्तिमा छ।
अध्ययनहरूले महिलाले भन्दा पुरुषले पोर्न फिल्म वा वेबसाइट बढी हेरेको देखाएका छन्। सबै पुरुषले कहिलेकाहीं भए पनि पोर्न फिल्म हेर्छन्। ती अध्ययनअनुसार प्रत्येक दिन वेबसाइट सर्च गर्ने ५ करोड ७० लाख अमेरिकीमध्ये १५ प्रतिशतले यस्ता साइट सर्च गर्ने गरेका छन्। धेरैजसोमा यस्ता साइटको खोजी र हेर्ने प्रवृत्तिले खास असर गरेको देखिएको छैन। यस्ता साइटले मानिसलाई उत्तेजित गराउँछन्। यसलाई स्वाभाविक नै मान्नुपर्छ। यसमा लत नै लागिसकेको छ कि छैन भन्नेमा विचार पुर्याउनुपर्ने हुन्छ। लत नै पछि गएर कुलतमा परिणत हुन्छ। दैनिक जीवनमा हानि-नोक्सानी नपुर्याएसम्म यसले त्यति नराम्रो गर्दैन। दैनिक कामकाज वा सिर्जनशीलतामा हानि नोक्सानी पुग्न थाल्यो भने यसलाई समस्या मान्नुपर्ने हुन्छ।
पछिल्ला अध्ययन-अनुसन्धानहरूले देखाएअनुसार एक हप्तामा कसैले ११ घण्टा वा त्यसभन्दा बढी समयसम्म सेक्स साइटमा बिताउने गरेका छन् भने तिनलाई मनोवैज्ञानिक समस्या भएको मान्न सकिन्छ। उसको मनोभावनामा असर पर्न थालेको छ। किनभने लामो समयसम्म सेक्स साइटहरू वा पोर्न फिल्म हेर्दा यसको सीधा असर उसका अन्य गतिविधिहरूमा पर्न थालिसकेको हुन्छ। समाजसँगको सम्बन्ध टुट्न थालिसकेको हुन्छ। कार्यालयमा काम गर्ने हो भने समयमा काम पूरा गर्न नसक्ने र सिर्जनशील हुन नसक्ने समस्या उत्पन्न भैसकेको हुन्छ। उसले कामको दबाब महसुस हुन थालिसकेको हुन्छ। त्यसबाट गाली खान वा आलोचना खेप्न थालिसकेको हुन्छ। दैनिक उठबस, हिँडडुल, शारीरिक अभ्यास आदि गतिविधिमा असन्तुलन उत्पन्न भैसकेको हुन्छ। मान्छेले थाहा नपाई यो कुलत बसिसकेको हुन्छ। त्यसका धेरै मनोवैज्ञानिक असर भैसकेको हुन्छ। बढी मात्रामा इन्टरनेटका सेक्स साइटमा निर्भर हुँदै जाँदा व्यक्ति साइबर सेक्सको जोखिमतर्फ मोडिन थाल्छ। केही विज्ञले त आफ्नो सम्बन्धभन्दा बाहिरको कुनै पनि प्रकारको सेक्सजन्य गतिविधिलाई गलत भन्ने गरेका छन्।
भर्खरै मात्र एक जना वैज्ञानिकले अहिलेसम्म पोर्न फिल्म नहेरेका पुरुषहरू छन् कि भन्ने अध्ययन गर्न खोजे, तर आश्चर्य उनले त्यस्ता एक जना पुरुष पनि भेटेनन्, जसले हालसम्म पोर्न फिल्म हेरेका छैनन्। अर्को आश्चर्यको कुरा के भेटियो भने प्रायः पुरुष जो एक्ला छन् उनीहरूले भन्दा सम्बन्धमा भएकाहरूले बढी हस्तमैथुन गरेको पाइयो। त्यसैले तपाईंका श्रीमान्ले कहिलेकाहीं पोर्न फिल्म हेर्नुहुन्छ भने त्यो सामान्य हो। यसको अर्थ उहाँमा कुनै खराबी छ वा तपाईंमा केही खराबी छ भन्ने पनि होइन।
घरमा आफ्नो यौनसाथी छँदाछँदै इन्टरनेट सेक्स साइटमा निर्भर हुन थाले त्यसले सम्बन्धमा चाहिँ समस्या सिर्जना गर्छ। केही उदारवादीले चाहिँ घरमा सेक्स साथीले खासै बोर नमानेसम्म सेक्स साइटमा जानु र समय बिताउनुलाई त्यति नराम्रो मान्ने गरेका छैनन्, तर दुवै खाले विज्ञले मानवीय सम्बन्धमा असर पर्ने र वास्तविक सेक्स सम्बन्धलाई प्रतिस्थापन नै गर्ने भए त्यसलाई सामान्य ठगी वा बठ्याइँ मात्र नभनेर मनोवैज्ञानिक समस्याका रूपमा लिने उल्लेख गरेका छन्। त्यसैले सेक्सबाहेकका मनोरञ्जनका माध्यममा समय बिताउने वा अन्य मनोरञ्जक गतिविधिमा सहभागी हुने बानी बसाले इन्टरनेट सेक्स साइटमा जाने वा सेक्स भिडियो हेर्ने बानी परिवर्तन हुँदै जान्छ।
0 Comment:
Speak up your mind
Tell us what you're thinking... !