मनीषा कोइराला : अब एक महिना मात्र

नयाँ वर्ष २०७० को पहिलो दिन अमेरिकामा उपचार गराइरहेकी नेपाली चेली तथा अभिनेत्री मनीषा कोइरालाले टि्वटरमार्फत शुभकामना व्यक्त गर्दै लेखिन्— 'नववर्ष २०७० को उपलक्ष्यमा हार्दिक मंगलमय शुभकामना ।' त्यही दिन उनले टि्वटरमार्फत नै स्याल्पा रिम्पोछेसँग भेटेको तथा रिम्पोछेको कुराबाट प्रभावित भएको उल्लेख गरेकी थिइन् । फेसबुक र टि्वटरबाट करिब दुई साता हराएपछि उनी नेपाली नयाँ वर्षको दिन यी सामाजिक सञ्चालमा झुल्किएकी हुन् । त्यसअघि उनले करिब दुई साताअघि आमा तथा भाइबुहारीसँग खिचेको तस्बिर टि्वटरमार्फत सार्वजनिक गरेकी थिइन् । उक्त तस्बिरमा उनी निकै खुसी देखिएकी छिन् । २९ मार्चकै दिन उनले अर्को एउटा तस्बिरसमेत टि्वटरमार्फत सार्वजनिक गरेकी छिन्, जसमा उनी बुवा प्रकाश कोइरालासहित परिवारका सदस्यसँग खाना खाइरहेकी देखिन्छिन् । 

गत डिसेम्बर १० का दिन पाठेघरको क्यान्सरको शल्यक्रिया गरेको करिब साढे तीन महिनापछि मनीषाले सार्वजनिक गरेका दुई तस्बिरमध्ये पहिलोमा उनी हँसिलो मुहारमा बुबासँग बसेर खाना खाइरहेकी छिन् । तस्बिरमा उनले आफ्नो शीरमा ह्याट लगाएकी छिन् । दोस्रो तस्बिरमा उनले टाउकोमा खैरो रंगको कपडा बेरेकी छिन् । क्यान्सरको शल्यक्रियापछि गरिएको केमो थेरापीपश्चात् उनको केश झरेको अनुमान गरिएको छ । मनीषाको पारिवारिक स्रोतका अनुसार उनी आगामी जुन महिनामा मुम्बई र्फकनेछिन् । 

यसबीच, क्यान्सरबाट क्रमशः     मुक्ति पाइरहेकी मनीषाले आफ्ना नेपाली शुभचिन्तकहरूलाई साप्ताहिकमार्फत विशेष सन्देश पठाएकी छिन् । अमेरिककाको म्यानहटनस्थित भाडामा लिइएको एउटा फ्ल्याटमा आराम गरिरहेको अवस्थामा साप्ताहिकमार्फत प्रेषित सन्देशमा उनले भनेकी छिन्, 

'एक महिनापछि मेरो अन्तिम किमो हुँदैछ । चिकित्सकहरूले उक्त किमोपछि मलाई क्यान्सरबाट मुक्त भएको घोषणा गर्नेछन् भन्ने मेरो विश्वास छ । छ महिनायता मेरा बारेमा विभिन्न गलत समाचार पनि प्रकाशित भए भने मेरा लाखौं शुभचिन्तकले मेरो स्वास्थ्यलाभका लागि हृदयदेखि नै प्रार्थना गरे । म सम्पूर्ण शुभचिन्तकहरूलाई मेरा बारेमा छापिएका अफवाहका पछि नलाग्न हार्दिक अनुरोध गर्दछु ।' मनीषा आगामी जून महिनाको अन्तिम साता अमेरिकाबाट सोझै मुम्बई प्रस्थान गर्ने बताइएको छ । 

मनीषाले भनेकी छिन्— 'म अहिले पूर्णतः उपचारमा छु । अहिले मैले आफ्नो स्वस्थ जीवनबाहेक अरू कुनै कुरा सोचेकी छैन । यो अवधिमा मैले केही अघि सिकेका आध्यात्मिक ज्ञान एवं ध्यानले ठूलो सहयोग पुर्‍याएको छ । चिकित्सकहरूको ठूलो मेहनतले मेरो स्थिति निकै सुधि्रएको छ । चिकित्सकले दिएको सुझावअनुसार नेपाली दाल-भात अनि केही स्वास्थ्यवर्द्धक अचार पनि खान्छु । मेरो खानामा केही फलफूल र दूध पनि छ । मैले यो अवधिमा परिवारबाहिरका व्यक्तिलाई त्यति भेटेकी छैन । जटिल शल्यक्रिया एवं त्यसको इन्फेक्सनका कारण धेरै जनासँग भेट्नु हानिकारक हुने भएकाले यसो गरेकी हुँ । एक महिनापछि जब मलाई चिकित्सकले अनुमति दिन्छन्, म नेपाल र भारत दुवै स्थानमा पत्रकार सम्मेलन गरेर वास्तविक कुरा बाहिर ल्याउनेछु । मलाई के भएको भन्ने कुरा थाहा पाउनबाट मेरा शुभचिन्तकहरू वञ्चित हुनुहुनेछैन भन्ने विश्वास दिलाउँछु ।'

'नेपाल र भारतका लाखौं व्यक्तिले मेरा लागि जुन प्रार्थना गर्नुभयो, त्यसका लागि म उहाँहरूप्रति हृदयदेखि नै ऋणी छु । मैले अटल विश्वासका साथ यो युद्ध लडें र अहिले विजयको अन्तिम तयारीमा छु । यस्तो अवस्थामा साथ दिनुहुने सबैलाई हार्दिक धन्यवाद ।' मनीषाले आफ्नो सन्देशमा उल्लेख गरेकी छिन् ।

मार्केट-२ मा मनीषा पक्का 

बलिउडका निर्देश्ाक जयप्रकाशले मनीषा कोइरालालाई आफ्नो नयाँ चलचित्र 'मार्केट-२' मा अभिनय गराउने भएका छन् । न्युयोर्कबाट क्यान्सरको सफल उपचार गराएर मुम्बई फर्किएलगत्तै जयप्रकाशले मनीषालाई चलचित्रमा अनुबन्ध गर्ने योजना बनाएको एउटा समाचारमा जनाइएको छ । निर्देश्ाक जयप्रकाश भन्छन्— 'मनीषा मेरी लक्की चार्म हुन् । उनी मेरो चलचित्र 'मार्केट' मा पनि थिइन् । मार्केट-२ को स्त्रिmप्टका बारेमा उनीसँग मैले छलफलसमेत गरिसकेको छु । उनलाई स्त्रिmप्ट मन परेको छ । उपचारपछि मुम्बई फर्किएलगत्तै म उनलाई भेटेर उनले निर्वाह गर्ने भूमिकाका बारेमा जानकारी गराउनेछु ।' निर्देश्ाक प्रकाशका अनुसार उनले मनीषाका म्यानेजर सुब्रोतो घोषसँग मनीषाको पछिल्लो स्वास्थ अवस्थाका बारेमा जानकारी लिइरहेका छन् । घोषका अनुसार मनीषाको स्वास्थमा तीव्र गतिले सुधार आइरहेको छ । 

 

उपचार गर्दै मनीषाको ट्वीट

२४ डिसेम्बर : मेरो आध्यात्मिक गुरुले मलाई हरेक परिस्थितिबाट माथि उठ्न, पीडा सहन सिकाउनुभएको छ। म स्वास्थलाभ गर्दै केमोका लागि तयार भैरहेकी छु। 

२७ डिसेम्बर : अरू केही नभए पनि मेरो यो रोग मेरा लागि एउटा शिक्षकजस्तै भएको छ। 

१ जनवरी : केमो कट पाएँ...लिजा रेलाई धन्यवाद। तिम्रो ब्लगका लागि पनि धन्यवाद। तिम्रो इमान्दारिता र बोल्डनेसका लागि पनि धन्यवाद। 

२ जनवरी : आज मेरो पहिलो केमो....यसबीच यो अनौठो उपचारप्रति नर्भस पनि छु र चुनौती सामना गर्ने साहस पनि जुटाउँदैछु। 

४ जनवरी : घर, साथी, स्वास्थ्य तथा तन्दुरुस्ती...सबै कुरा मिस गरिरहेकी छु ...कुनै समय एक दिन, कुनै समय एक क्षण, कुनै समय एक सास। 

४ जनवरी : ल ठीक छ, आजदेखि केमोलाई केमो होइन, भिटामिन भनिनेछ। भिटामिन शरीरका लागि फाइदाजनक हुन्छ। धन्यवाद जाकिया...

५ जनवरी : ब्यायामको दोस्रो दिन...बिस्तारै हिंड्न सक्ने भएकी छु...आशा छ म हरेक दिन व्यायाम गर्न सक्नेछु। 

१० जनवरी : मेरो केमो गर्ने कोठालाई सुन्दर बिरुवाहरूले आकर्षक ढंगले सजाइएको छ। 

११ जनवरी : हरेक दिनले नयाँ चुनौती ल्याउँछ...कुनै पनि दिनप्रति गुनासो गर्न सक्दिनँ। 

१२ जनवरी : आजको दिन मेरा लागि विशेष रह्यो...अकल्पनीय दिन। धन्यवाद भगवान्...मेरा अन्तरयामी...धन्यवाद आमा। तपाईं यो संसारकै सबैभन्दा उत्कृष्ट आमा हुनुहुन्छ। 

१५ जनवरी : जीवनको नयाँ अर्थ फेला पार्दैछु...यो वास्तवमै एउटा नयाँ संसार हो...प्रेम र आशीर्वाद। 

१६ जनवरी : ठूलो पीडाले नै साँचो दया ल्याउँदो रहेछ....नमनजी। 

१७ जनवरी : हामी सबै बुद्धिमान छौं, छैनौं र ? 

१७ जनवरी : ठूल्ठूला युद्ध जित्ने कुरा गर्नै पर्दैन, हामीले आफूभित्रको डरसँग लड्न सके पुग्छ। 

१७ जनवरी : हरेक अवरोधलाई अवसरका रूपमा लिँदै शान्तितर्फ अग्रसर हुन सम्भव छैन र ? 

१८ जनवरी : न्युयोर्कलाई प्रेम गरिरहेकी छु...परिवारका सदस्य तथा साथीहरूसँग रमाइरहेकी छु, आराम गरिरहेकी छु, सुधार भैरहेको छ। हल्का व्यायाम, खाना...स्वास्थ्यमा सुधार। हरेक समय आमा, बुबा र भाइबाट पाइरहेको माया, साथ र सद्भाव। यही क्रममा केही त्यस्ता मानिसहरू पनि भेटें...जसलाई म एञ्जल भन्न रुचाउँछु। 

२९ जनवरी : डरभन्दा साहस ठूलो हो भन्ने कुरा अनुभव गरेपछि मात्र बुझ्न सकिन्छ।

६ फेब्रुअरी : प्यारा साथीहरू, तपाईंहरूको जानकारीका लागि, म अबको केही दिन फेसबुक कमै चलाउनेछु। मेरो प्यारो शैल मामाको निधनको दु:खद खबरबाट मुक्त हुन सकेकी छैन। कुनै दिन, म उहाँका बारेमा लेख्नेछु...अहिलेका लागि, मलाई केही समय चाहिएको छ। जहाँसम्म मेरो स्वास्थ्यको प्रश्न छ, म यसलाई नियन्त्रणमा राख्ने प्रयास गरिरहेकी छु...प्रार्थना र आशीर्वादका लागि धन्यवाद। 

११ फेब्रुअरी : मेरा वृद्ध अभिभावकले मेरो हेरचाह गरिरहँदा मन नै ढक्क फुल्छ...यदि कतै शक्तिशाली र अनौठो प्रेम छ भने, यो त्यही हो। मैले यस्तो प्रेम प्राप्त गर्ने अवसर पाइरहेकी छु। 

१३ फेब्रुअरी : मभन्दा बढी उमेरकी, मेरो भन्दा ठूलो सर्जरी गरिएकी एउटी अचम्मकी महिलासँग भेट भयो जो आफ्नो पाँचौं 'भिटामिन सट' लिने क्रममा छिन्...शक्तिशाली, साहसी र सुन्दरता साथमा सकारात्मक भावना पनि। उपचारका क्रममा मैले केही साहसी मुटुहरू फेला पारेकी छु। 

१४ फेब्रुअरी : प्रेम मात्र प्रेम...

१५ फेब्रुअरी : मलाई बिहानको घाम असाध्यै मनपर्छ...विशेषगरी जाडोको पारिलो घाम। 

२१ फेब्रुअरी : एउटा अर्को चुनौती थपिँदैछ...अकल्पनीय, म आराम गरिरहेकी छु। सुखद पक्ष के छ भने मेरो स्वास्थ्यमा सुधार भैरहेको छ। 

२४ फेब्रुअरी : आज बाहिर निस्किएँ। न्याना दिनहरू आउँदैछन् जस्तो लाग्दैछ। म पुन: न्युयोर्कमा रमाउन थाल्नेछु। 

२४ फेब्रुअरी : कति छिटो, मेरा पुराना साथीहरूले मबाट दूरी बनाउँदैछन्। 

२५ फेब्रुअरी : यतिबेला म आफ्नो पेन्टिङ कक्षालाई गम्भीरतापूर्वक मिस गरिरहेकी छु। ठूलो डाइनिङ कोठालाई स्टुडियो बनाउन पाए...घर फर्किएपछि मैले गर्नु पर्ने कामहरू धेरै छन्...अहिलेका लागि म इन्टरनेटमार्फत प|mेन्च भाषा सिक्दैछु। यो सिकाइलाई पनि मैले उपचारका रूपमा लिएकी छु। 

२६ फेब्रुअरी : म्यानहटन र न्युयोर्कप्रति माया ! 

२८ फेब्रअरी : दुई जना रोमाञ्चक दाजुभाइ डाक्टर नाराइनजी तथा डाक्टर नरुलाजी अनि उहाँकी श्रीमती डाक्टर जीनाजीसँगको भेटलाई पनि मैले आशीर्वादका रूपमा लिएकी छु। उनीहरू दया, इमान्दारी तथा शक्तिका राम्रा उदाहरण हुन्। 

१ मार्च : उत्कृष्ट सर्जन र उत्कृष्ट एङकोलोजिस्ट डाक्टर डेनिस ची तथा डाक्टर भी माक्कर ! मेरो रगतको परीक्षणले विशाल सुधार देखाएकोमा उनीहरूलाई धन्यवाद। म अझै उपचारको क्रममा छु तर म खुसी छु किनभने म राम्रो हातबाट उपचार गराइरहेकी छु। तपाईंहरूको प्रार्थनाले काम गरिरहेको छ जस्तो लागिरहेको छ। 

५ मार्च : 'तत् त्वाम असी' अत्यन्त शक्तिशाली ज्ञान। 

५ मार्च : मलाई थाहा छैन, मेरा लेखाइहरू एउटा अटोबायोग्राफी नै बन्ने हुन् कि तर मेरा लागि यी नोटहरू झैं भएका छन्। जीवनको सामान्य अवलोकन। हेर्दै जाउ“m, के हुन्छ ? 

९ मार्च : सही हुनुभन्दा दयालु हुनु महत्वपूर्ण रहेछ। लेसन नम्बर-२। 

११ मार्च : गान्धीजीका 'तीन बन्दर' माथि एउटा लेख लेखें। विचार, भावना र अवधारणासंग भौतिक संसारको सम्बन्ध। 

१२ मार्च : डाक्टर वायने डायर तथा लुइस हे उचित समयमा मेरो सामु आउनुभयो। म उहाँहरूलाई यूट्युबमा सुन्दैछु। 

१५ मार्च : प्यारा शुभचिन्तक तथा साथीहरू, मैले सबै प्रकारका विश्वासहरूलाई सम्मान गरेकी छु। म पनि तपाईंहरूबाट यही कुराको अपेक्षा गर्दछु। यदि मैले व्यक्त गरेका भावनाहरू तपाईंको भावनासँग मेल नखाए अन्यथा नलिनुहोला। 

२१ मार्च : सुरु-सुरुमा म भयभीत थिएँ तर मैले यसलाई एउटा शिक्षाका रूपमा लिएँ, जसले मलाई भित्रैदेखि बलियो बनायो। मैले गरेको प्रार्थना र ध्यानले सकारात्मक परिणाम दिइरहेको छ। 

२२ मार्च : डाक्टर चिबाट पुन: एकटक अत्यन्त सकारात्मक तथा उत्साहजनक शब्दहरू पाएँ। मेरो स्वास्थलाभको कामना गर्नु हुने सबै शुभचिन्तकलाई हृदयबाटै धन्यवाद। तपाईंहरूको सद्भावप्रति म अनुग्रहित छु। अब दुई महिना बाँकि...

२३ मार्च : दिनको सुखद सुरुवात। पूर्ण आत्मविश्वासका साथ मैले व्यायाम गरेँ, स्वस्थ खाना खाएँ, प्रेरणादायी पुस्तकहरू पढें, रमाइला चलचित्र हेरें, ध्यान र प्रार्थना गरें। 

३१ मार्च : मेरी भान्जी तथा बुहारीसँगको सेन्ट्रल पार्कको भ्रमण उत्साहप्रद रह्यो। 

१४ अपि्रल : म साइल्पा रिम्पोछेसँगको कुराकानीबाट प्रभावित भएँ। उनको पुस्तक 'लिभिङ फुल्ली' पढ्नैपर्ने जस्तो लाग्यो। साधारण तर अद्वितीय। मेरो एउटा अविस्मरणीय साँझ पनि।

१४ अपि्रल : नववर्ष २०७० को उपलक्ष्यमा हार्दिक मंगलमय शुभकामना।
-साभार साप्ताहिक