नायिका मनिषा कोइराला यतिबेला पाठेघरको अप्रेशन पश्चात न्यूयोर्कमा आराम गरिरहेकी छिन् । उपचार पछि आराम गरिरहेकी नायिका कोइरालालाई बलिउड नायक सलमान खानले सरप्राइज दिएका छन् । आफ्नो हितैषी साथी मनिषालाई भेट्न सलमान पनि पुगेका छन् । हातमा फुलको बँुकी लिएर आएका सलमानलाई देखेपछि मनिषा खुशी भएकी थिइन् ।मनिषा बिरामी भएपछि सलमान चिन्तित रहेको वताइएको छ । सलमानले मनिषासँग २ घन्टा कुराकानी गरेका थिए । मनिषा र सलमानले खामोशी, संगदिल सनम, मझदार लगायतका सिनेमामा सँगै काम गरेका छन् ।
