कुरा केही दिनअघिको हो। मध्यरात भएकाले अस्टे्रलियाका चिल्ला सडकमा चम्किला बत्ती बालेर तीव्र गतिमा गाडीमात्रै हुइँकिरहेका थिए। तिनै सडकको किनारमा एक नेपाली युवती मस्त नाचिरहेकी थिइन्, 'कम अन बेबी' भन्दै। ती युवती थिइन्, अभिनेत्री रिमा विश्वकर्मा। उनी फिल्म 'ऋतु'को गीत 'कम अन बेबी'को सुटिङका क्रममा नाचिरहेकी थिइन् त्यहाँ। तीन हप्तादेखि अस्ट्रेलियामा सुटिङ भइरहेको उक्त फिल्मको साठी प्रतिशत छायांकन सकिएको रिमाले बताइन्। फिल्ममा उनसहित राजवल्लभ कोइराला र मलिना जोशीले अभिनय गरिरहेका छिन्।
