बेलबारी बर्बरताः बलात्कार प्रयास गर्ने पक्राउ

बेलबारी बर्बरताको मुख्य कारण थियो महिलामाथि बलात्कार प्रयास। त्यसो गरेको शंका ती महिलाले अर्कै पुरुषलाई गरिन्। शंका गलत ठहरियो। किनभने उनले दावी गरे अनुसार ती पुरुषको हातमा रगत आउने गरी टोकेको चिह्न केही थिएन। भोलिपल्ट गलत आरोप लगाउने भन्दै समाज बसेको ठाउँमा महिलालाई दुर्व्यवहार गरियो। बलात्कार प्रयास चाहिँ कसले
गरेको थियो त ? प्रश्न अनुत्तरित नै थियो। प्रहरीले तत्काल खोज्नुपर्नेमा मिलापत्र गरेर मात्रै पठाइदियो। घटना राष्ट्रियकरण भएपछि प्रहरीलाई दबाब पर्‍यो र छानबिन अघि बढ्यो। छानबिनकै क्रममा आज कृष्णकुमार सुन्दास नामका पुरुषलाई बलात्कारको आरोपमा पक्राउ गरिएको खबर पूर्वका पत्रकारले दिएका समाचार माई संसारमा लेखिएका छन्। विस्तृत विवरण आउन बाँकी छ।