नम्रता श्रेष्ठको नयाँ कुरो

सानो संसार र मेरो एउटा साथी छ खासै नचले पनि नम्रता श्रेष्ठको भने गजबले चर्चा भयो। उनको चर्चालाई क्यास गर्न दिलीप रायमाझीले आफ्नो फिल्म मिस यूमा नम्रतालाई मुख्य भूमिकामा अनुबन्ध गराए। तर, फिल्म चलेन।

विषयगत र प्रस्तुतिको कमजोरीका कारण फिल्म नचले पनि कलिउडमा नचल्नुको दोष कलाकारलाई समेत लगाउने चलन छ। नम्रताका बारेमा पनि त्यस्तै टिप्पणी भयो। तर, पछिल्लो समय नम्रताकै भूमिकालाई लिएर फिल्म मौनको प्रशंसा सुरु भएको छ। यो फिल्ममा नम्रताको संवाद छैन, उनले एउटी बहिरीको भूमिका निर्वाह गरेकी छन्।


साभार : नेपाल