काठमाडौं, पुस २१– ठमेल देशको प्रमुख पर्यटकीय स्थल हो । बाह्य पर्यटकको खान–पान उठबस हुने स्थल नै त्यहि ठमेल हो । त्यसो त ठमेललाई राजधानी भित्रको राजधानीसमेत भनिन्छ । तर त्यहि ठमेल पुग्ने प्रमुख द्वार लैनचौर पुग्नेबित्तिकै तपाईंलाई हिलाम्य सडकले स्वागत गरिरहेको हुनेछ ।
लैनचौरदेखि सोह्रखुट्टेसम्मको यात्रा गर्दा मात्रै ठमेलको असलीरुप देखिनेछ । सडकमा सवारी साधन गुडिरहेका हुन्छन्, तिनिहरु रोपाईंका बाउसे र रोपारजस्ता देखिन्छन् । सडक विस्तारको लागि भन्दै दुई वर्ष अघिदेखि भत्काइएको सडक हाल सम्मपनि मर्मत नहुँदा पर्यटक मात्रै होइन सो क्षेत्रका बासिन्दासमेत समस्यामा पर्दै आएका छन् । ‘हामीलाई त बानी परिसक्यो यो हिलाम्य सडक हिड्ने ।’ स्थानीय अजयमान प्रजयले भने ‘पर्यटकले चाहि साह्रै असहज महसुस गर्छन् ।’ठमेलको इज्जत राष्ट्रको इज्जत हो ।
यहाँ देखिने भद्रगोलले अन्तराष्ट्रिय रुपमा नेपाललाई चिनाउँछ । यहाँको हिलाम्य सडकका कारण पर्यटक घट्न थालेकोसमेत पर्यटन व्यावसायीको गुनासो छ । पर्यटन व्यावसायी राम सापकोटा ‘कमल’ ठमेलको सडक अवस्थाले पर्यटक अत्यन्त समस्यामा पारेको बताउँछन् । ‘आजकाल ठमेल भित्रिएका पर्यटक पहाडबाट झरेका पहाडियाजस्तै लाग्छन् ।’ उनले भने ‘ यसबाट नेपालीहरु राम्रो व्यवस्थापन गर्न असफल छन् भन्ने सन्देश जान्छ ।’
तस्बिरः गोकर्ण लामिछाने
साभार : रातो पाटी
0 Comment:
Speak up your mind
Tell us what you're thinking... !