नै हो। हुन त पैसा भएपछि आफ्ना इच्छापूर्ती त भइनै हाल्छन्। करोडौंमा काम गर्ने बलिउड कलाकारलाई इच्छा अनुसार करोडौं मूल्य बराबरका सवारी साधन खरिद गर्न के नै गाह्रो हो र विचरा हाम्रा नेपाली सिनमाको कलाकारहरुलाई वर्षाैं अभियन गरे पनि करोडको गाडी खरिद गर्न मुश्किल छ। हाम्राले सपनामा देख्ने सवारी साधन उनीहरु विपनामै उपभोग गरिराखेका हुन्छन्। हेरौं बलिउडका केही सुपरस्टारका सुपर सवारीका केही विवरणहरुः
बलिउडका बादशाह किङ्ग खानसँग विएमडब्लूको सिरिज नै छ। छोटकरीमा भन्नुपर्दा छ र सात सिरिज। त्यस्तै शाहरुखसँग अउडी ए६ र बेन्टले कन्टिनेन्टल जीटी रहेका छन्।
सलमान खान
अहिलेका सुपरस्टार नायक सलमान खानसँग गाडी र मोटरसाइकलको ठूलो कलेक्शन नै छ। उनको लेटेष्ट सवारी भनेको उनको निलो रंगको सुजुकी इन्ट्रोडर एम १८०० आर जेड मोटरबाइक हो। निकै फास्ट राइडर सलमानसँग सुजुकी हायाबुसा मोटरबाइक पनि छ भने रेन्ज रोभर, अउडी क्यू७, विएमडब्लु एक्स६ उनका फोर ह्विलर हुन्।
जोन अब्राहम
जोनसँग पनि अउडी क्यू७ छ भने गाडी भन्दा बाइक मन पराउने यी नायसँग निकै महंगा र स्टाइलिस बाइकको कलेक्शन रहेको छ। यामाहा आर वान, कावासाकी निन्जा जेडएक्स, सुजुकी हायाबुसा र यामाहा राभेन उनको बाइक ग्यालरीमा भएका बाइकहरु हुन्।
अजय देवगण
अजय आफ्ना कारहरुलाई खुब माया गर्छन्। उनको लेटेष्ट खरिद हो मिनि कुपर। यसबाट थाहा पाउन सकिन्छ अजयको स्टाइलिस र सौखिन कारहरुप्रतिको मोह।
सेफ अलि खान
सेफ 'टफ एण्ड हार्ड हिटिङ्ग' सवारी साधन मन पराउँछन्। त्यसैले उनीसँग रेन्ज रोभर र्स्पोट र टोयटा ल्याण्डत्रु्कजर रहेका छन्।
अमिताभ बच्चन
बलिउडमा सबै भन्दा क्लासिक कार हुने लिष्टको अग्रपन्थीमा छन् अमिताभ बच्चन। उनीसँग 'वेन्टले आरनेज आर' छ भने उनीसँग लेटेष्ट मोडलमा चार करोड पचास लाख बराबरको रोल्स रोयस फ्यान्टम रहेको छ। उनले केही समय अघि आफ्ना नातिनी आराध्याको पहिलो जन्मदिनमा बिएमडब्लु मिनि कुपर कार गिफ्ट दिएका थिए।
प्रियंका चोपडा
प्रियंकासँग एक करोड ६३ लाख मूल्य बराबरको मर्सिडिज एस क्लस र ७७ लाखको पोर्से केने रहेका छन्। उनका सहकर्मीको लिष्टमा पोर्से भने परेको छैन तर पनि आफ्नो युनिक इच्छा अनुसार प्रियंकासँग सो ब्राण्डको कार रहेको छ।
अभिशेष बच्चन
अभिशेष बच्चन गाडीका निकै शौखिन नायक हुन्। अटोमोबाइल्स सम्बन्धी हरेक म्यागजिन उनी पढ्ने गर्छन्। उनका पिता जस्तै उनी पनि क्लासिक कारहरुको शौखिन छन्। अभिशेषले हालसालै एक करोड हालेर अउडी ए८एल खरिद गरेका छन्।
करिना कपुर
करिना कपुर अहिलेकी 'टप लिष्टेड' नायिका हुन्। उनीसँग मर्सिडिज वेन्ज एस क्लास र लेक्सस एलएक्स ४७० छन्। एलएक्स ४७० उनले विदेशबाट मगाएकी हुन्। भारतमा मर्सिडिज सबैभन्दा महंगो कार मध्यमा गनिन्छ। यसको मूल्य एक करोडदेखि सुरु हुन्छ।
सञ्जय दत्त
बेष्ट फोर ह्विलरको कलेक्शन सञ्जय दत्तसँग छ बलिउडमा। उनीसँग रोल्स् रोयस फ्यान्टम, अउडी आर८, क्यू७, बेन्टले कन्टिनेन्टल, फरारी ५९९जीटीबी र रेन्ज रोभर स्पोर्ट छन् भने टु ह्विलरमा पनि उनीसँग हार्ले डेभिडसन फ्याट बोइ रहेको छ।
कट्रिना केफ
उनीसँग ७० लाख मूल्य पर्ने अन्य बलिउड स्टार जस्तै अउडी क्यू७ छ।
ऋतिक रोसन
एक करोड २२ लाख बाट सुरु हुने पोर्से केने चढ्छन् ऋतिक रोसन।
विपाशा वासू उनको लेटेष्ट खरिद भनेको भोल्स् वागनको 'ब्रिटल' हो जसलाई विपाशाले 'ब्राड' को नाम दिएकी छिन्।
कंगना रनावत
कंगनाले बलिउडमा थुप्रै समय बिताए पनि उनका त्यति धेरै सफल फिल्म छैनन्। तर पनि उनले आफ्नो २१औं जन्मदिनमा विएमडब्लू ७ सिरिज खरिद गरेकी थिइन्।
आमिर खान
आमिर खान तीन करोड पर्ने निकै आरामदायी रोल्स रोयस घोस्ट चढ्छन्।
