झुट बोल्ने नेता समात्ने नयाँ काइदा

चुनावका बेला नेताहरु ठूला-ठूला आश्वासन बाँड्छन्, तर, जब जित्छन् आफूले गरेको प्रतिवद्धता पूरा गर्ने त परेको कुरा, फर्किएर पनि गाउँ जाँदैनन् । यो हाम्रो मात्र समस्या होइन । अधिकांश विकासशील देशका जनता चुनावको बेला मात्र शक्तिशाली हुन्छन्, जब चुनाव सकिन्छ फेरि
नेता शक्तिशाली र जनता निरीह बन्छन् ।

पाकिस्तानका जनता पनि यस्तै समस्याबाट पिरोलिएका छन् । नेताले जे बोले पनि हुने पुरा गर्न चाहिँ नपर्ने यही रोगबाट मुक्ति पाउन त्यहाँ हालै नयाँ अभियान थालिएको छ ।

नेताहरुको बोली र ब्यबहारको निगरानी गर्न युनाइटेड प्रेस इन्टरनेशनल न्यूज एजेन्सी (यूपीआई) ले ‘ट्रूथ ट्राकर‘ नामको नयाँ वेबसाइट सुरु गरेको छ । यो यूपीआईको एक गैरनाफामूखी अभियान हो ।

Truth-Tracker

पाकिस्तानका विभिन्न स्थानमा रहेका २५ पत्रकारहरुको एक टोलीले नेताको चुनावी घोषिणा पत्र, चुनावका क्रममा गरेको भाषण, राजनीतिक दलको वेबसाइट र मिडियामा कभरेजको विश्लेषण गरेर मतदाताहरुसँग गरेको प्रतिवद्धता पत्ता लगाउनेछ ।

‘ट्रूथ ट्राकर’का वरिष्ठ सम्पादक मुबाशर बुखारीले यो सबै जवाफदेहीता सुनिश्चित गर्न भएको बताउँछन् । उनका अनुसार नेताहरुलाई मतदातासँग गरेको प्रतिवद्धता सम्झाउनुका साथै किन प्रतिवद्धता पूरा भएन र किन अवरोध भयो भनेर समेत खोजिनेछ ।

कसले के प्रतिवद्धता गरेको थियो, त्यो पत्ता लगाउन विभिन्न पार्टीको चुनाव चिन्ह प्रयोग गरिनेछ । जस्ततो कि प्रधानमन्त्री नजाव शरीफको पीएमएल (एन) को चुनाव चिन्ह बाघ हो भने क्रिकेट ब्याट क्रिकेटर इमरान खानको पार्टी तहरीके-ए-इन्साफ (पीटीआई) को हो ।

वेबसाइटलाई पाँच भागमा बाँडिएको छ । टुटेको, पूरा भएको, काम भइरहेको, काम सुरु नभएको र सम्झौता भएको प्रतिवद्धता । जस्तो, प्रधानमन्त्री शरीफले पछिल्लो वर्ष चुनावमा कम आय भएको वर्गका मानिसलाई घर उपलब्ध गराउने प्रतिवद्धता गरेका थिए । तर, अहिलेसम्म केही काम भएको छैन । ‘ट्रूथ ट्राकर’ले यो प्रतिवद्धतालाई काम नै सुरु नभएको प्रतिवद्धताको सूचीमा राखेको छ ।
साभार : अनलाईन खबर

चुनावका बेला नेताहरु ठूला-ठूला आश्वासन बाँड्छन्, तर, जब जित्छन् आफूले गरेको प्रतिवद्धता पूरा गर्ने त परेको कुरा, फर्किएर पनि गाउँ जाँदैनन् । यो हाम्रो मात्र समस्या होइन । अधिकांश विकासशील देशका जनता चुनावको बेला मात्र शक्तिशाली हुन्छन्, जब चुनाव सकिन्छ फेरि नेता शक्तिशाली र जनता निरीह बन्छन् ।

पाकिस्तानका जनता पनि यस्तै समस्याबाट पिरोलिएका छन् । नेताले जे बोले पनि हुने पुरा गर्न चाहिँ नपर्ने यही रोगबाट मुक्ति पाउन त्यहाँ हालै नयाँ अभियान थालिएको छ ।

नेताहरुको बोली र ब्यबहारको निगरानी गर्न युनाइटेड प्रेस इन्टरनेशनल न्यूज एजेन्सी (यूपीआई) ले ‘ट्रूथ ट्राकर‘ नामको नयाँ वेबसाइट सुरु गरेको छ । यो यूपीआईको एक गैरनाफामूखी अभियान हो ।

पाकिस्तानका विभिन्न स्थानमा रहेका २५ पत्रकारहरुको एक टोलीले नेताको चुनावी घोषिणा पत्र, चुनावका क्रममा गरेको भाषण, राजनीतिक दलको वेबसाइट र मिडियामा कभरेजको विश्लेषण गरेर मतदाताहरुसँग गरेको प्रतिवद्धता पत्ता लगाउनेछ ।

‘ट्रूथ ट्राकर’का वरिष्ठ सम्पादक मुबाशर बुखारीले यो सबै जवाफदेहीता सुनिश्चित गर्न भएको बताउँछन् । उनका अनुसार नेताहरुलाई मतदातासँग गरेको प्रतिवद्धता सम्झाउनुका साथै किन प्रतिवद्धता पूरा भएन र किन अवरोध भयो भनेर समेत खोजिनेछ ।

कसले के प्रतिवद्धता गरेको थियो, त्यो पत्ता लगाउन विभिन्न पार्टीको चुनाव चिन्ह प्रयोग गरिनेछ । जस्ततो कि प्रधानमन्त्री नजाव शरीफको पीएमएल (एन) को चुनाव चिन्ह बाघ हो भने क्रिकेट ब्याट क्रिकेटर इमरान खानको पार्टी तहरीके-ए-इन्साफ (पीटीआई) को हो ।

वेबसाइटलाई पाँच भागमा बाँडिएको छ । टुटेको, पूरा भएको, काम भइरहेको, काम सुरु नभएको र सम्झौता भएको प्रतिवद्धता । जस्तो, प्रधानमन्त्री शरीफले पछिल्लो वर्ष चुनावमा कम आय भएको वर्गका मानिसलाई घर उपलब्ध गराउने प्रतिवद्धता गरेका थिए । तर, अहिलेसम्म केही काम भएको छैन । ‘ट्रूथ ट्राकर’ले यो प्रतिवद्धतालाई काम नै सुरु नभएको प्रतिवद्धताको सूचीमा राखेको छ ।

- See more at: http://www.onlinekhabar.com/2014/01/155670/#sthash.R9E8gM1f.dpuf