नांगो पोस्टरका कारण अमिर खानविरुद्ध मुद्दा

मुम्बई– बलिउड अभिनेता अमिर खान नयाँ फिल्म 'पिके' लिएर आउँदैछन्। भर्खरै यो फिल्मको पोस्टर सार्वजनिक गरिएको छ। तर पोस्टरलाई लिएर उनी विवादमा तानिएका छन्। 
सो पोष्टरले अश्लीलता फैलाएको दाबीसहित उनीविरुद्ध कानपुरको अदालतमा निवेदन दर्ता भएको छ। पोस्टर छाप्ने पत्रिकासमेतलाई विपक्षी बनाई दायर गरिएको निवेदनमा अगस्ट ७ तारिखका दिन सुनुवाई तोकिएको छ। अमिर खान नग्न अवस्थामा देखिने यो पोस्टरले यौनहिंसा र अश्लीलतालाई बढावा दिएको दाबी निवेदनमा छ। फिल्मको पोस्टरमा रेलको लिगमा अमिर खान निर्वस्त्र उभिएको देखिन्छ। शरीरको केही भाग उनले बोकेको एउटा 'क्यासेट प्लेयर'ले मात्र छोपेको छ।
साभार : नागरिक